চিংগাপুৰ বিমান সন্মুখিন হোৱা ভয়ংকৰ ঘটনাৰ ভিডিঅ’ ভাইৰেল, মাজ আকাশতে যেন ভূমিকম্প, ভয়ংকৰ দৃশ্য
শিয়ৰি উঠিব আপুনি, দৃশ্য দেখি বহুতেই কৈছে সঁচাকৈয়ে ভয়ংকৰ। মাজ আকাশতে যেন ভূমিকম্প। যাত্ৰী সকলৰ ভয়াৰ্ত চেহেৰা। বিমানৰ ভিতৰৰ সেই দৃশ্য। সেই ভয়াবহ পৰিস্থিতিৰ দৃশ্য বৰ্তমানে সামাজিক মাধ্যমত ভাইৰেল হৈ পৰিছে।
টাৰ্বুলেঞ্চৰ সন্মুখিন হোৱা চিংগাপুৰ এলাৰলাইনৰ বিমানৰ ভিতৰৰ সেই ভয়াৱহ ঘটনাৰ বাখ্যা কৰিলে যাত্ৰীয়ে। মঙলবাৰে ছিংগাপুৰ এয়াৰলাইন্সৰ এখন বিমান মাজ আকাশতে টাৰ্বুলেঞ্চৰ মাজত আবদ্ধ হৈ পৰে। এই টাৰ্বুলেঞ্চৰ পিছত বিমানখনৰ অৱস্থা এনেকুৱা হৈ পৰিল যে মাত্ৰ ৫ মিনিটতে বিমানখন ৬ হাজাৰ ফুট তললৈ নামি যায়।
টাৰ্বুলেঞ্চৰ ফলত হোৱা প্ৰচণ্ড জোকাৰণিৰ ফলত বিমানখনত থকা এজন যাত্ৰীৰ মৃত্যু পৰ্যন্ত হয়। এই ঘটনাত দুডজনৰো অধিক যাত্ৰী আহতো হৈছে। কৰ্তৃপক্ষই জনোৱা মতে, ৭৩ বছৰীয়া ব্ৰিটিছ লোকগৰাকীৰ মৃত্যুৰ কাৰণ হাৰ্ট এটেক হ’ব পাৰে যদিও এই পৰ্যন্ত নিশ্চিত হোৱা নাই। টাৰ্বুলেঞ্চৰ পিছত ছিংগাপুৰ এয়াৰলাইন্সৰ বিমানে বেংককত জৰুৰীকালীন অৱতৰণ কৰে।
https://x.com/manishasinghal/status/1792880787664044275
এই টাৰ্বুলেঞ্চৰ সময়ত বিমানখনৰ ভিতৰৰ ভয়ংকৰ পৰিস্থিতিৰ ভিডিঅ’ আৰু ফটো ছ’চিয়েল মিডিয়াত পোহৰলৈ আহিছে, সামাজিক মাধ্যমত ফটো অহাৰ পাছতে ভাইৰেল হৈ পৰিছে সকলো। যি ধৰণৰ ভিডিঅ’ আৰু ছবি প্ৰকাশ পাইছে, সেইবোৰ দেখি স্পষ্টকৈ কল্পনা কৰিব পাৰি যে টাৰ্বুলেঞ্চৰ সময়ত বিমানখনৰ যাত্ৰীসকলৰ কি হ’ব পাৰে।
https://x.com/adarwis/status/1792875627080773825
ভাৰতীয় সময় অনুসৰি সোমবাৰে মাজনিশা ২:৪৫ বজাত ছিংগাপুৰ এয়াৰলাইন্সৰ বয়িং ৭৭৭-৩০০ইআৰ বিমানে লণ্ডনৰ পৰা উৰা মাৰিছিল। পিছদিনা বিয়লি ৩:৪০ বজাত ছিংগাপুৰত অৱতৰণ কৰাৰ কথা আছিল যদিও উৰণৰ ১১ ঘণ্টাৰ পিছত ম্যানমাৰৰ আকাশমাৰ্গত ৩৭ হাজাৰ ফুট উচ্চতাত টাৰ্বুলেঞ্চৰ মাজত আবদ্ধ হৈ পৰে। ম্যানমাৰৰ সমীপৰ আন্দামান সাগৰৰ ওপৰেৰে বিমানখনে টাৰ্বুলেঞ্চৰ সন্মুখীন হয়।
এই ঘটনাত ১গৰাকী লোকৰ মৃত্যু হোৱাৰ লগতে ৩০ গৰাকী যাত্ৰী আহত হয়। দুৰ্ঘটনাটোৰ সময়ত বিমানখনত ৩গৰাকী ভাৰতীয় লোকো আছিল বুলি জানিব পৰা গৈছে। বৰ্তমানে তিনিওগৰাকী ভাৰতীয় লোক সুকলমে আছে বুলি প্ৰকাশ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
