কাপোৰ ধোৱাৰ চাবোন কেনেকৈ সৌন্দৰ্য্যৰ সামগ্ৰীলৈ পৰিণত হ’ল, ইয়াৰ আঁৰত আছে আকৰ্ষণীয় কাহিনী
লাক্স চাবোনে সগৌৰৱেৰে ১০০ বছৰত ভৰি দিলে। ভাৰতত লাক্স চাবোনেৰে গা নোধোৱা মানুহ প্ৰায়েই নাই বুলিব পাৰি। পাছে জানেনে ইয়াৰ আৰম্ভণি হৈছিল কাপোৰ ধোৱাৰ চাবোন হিচাপেহে। পিছলৈ ই নাৰীৰ সৌন্দৰ্য্যৰ সৈতে জড়িত প্ৰধান সামগ্ৰীত পৰিণত হয়।
পৃথিৱীৰ বহু প্ৰান্তৰ বহু নামী দামী তাৰকাই এই চাবোনৰ বিজ্ঞাপন কৰিছে। কোম্পানীয়ে ইয়াক মহিলাৰ বাবে মূল সৌন্দৰ্য্য সামগ্ৰী হিচাপে উপস্থাপন কৰাৰ বিপৰীতে শ্বাহৰুখ খানেও ইয়াৰ বিজ্ঞাপন কৰিছে।
১৮৮৫ চনত ইংলেণ্ডৰ পৰা অহা উইলিয়াম লিভাৰ আৰু জেমছ লিভাৰ নামৰ দুজন ভাতৃয়ে এটা সৰু চাবোন নিৰ্মাণ কাৰখানা আৰম্ভ কৰে। এই ভাতৃদ্বয়ক লিভাৰ ব্রাদাৰ্ছ বুলিও কোৱা হয়। প্ৰথমে কাপোৰ ধোৱাৰ বাবে চাবোন তৈয়াৰ কৰিছিল। পিছত তেওঁলোকে গম পালে যে মহিলাসকলে ইয়াক গা ধোৱাতো ব্যৱহাৰ কৰে।
ইয়াৰ পৰাই তেওঁলোকৰ মনলৈ আহে যে ইয়াৰ নিৰ্মাণত কিছু পৰিৱৰ্তন কৰিব লাগে যাতে মহিলাসকলে গা ধোৱাৰ সময়তহে ইয়াক ব্যৱহাৰ কৰে। ইয়াৰ পিছত লিভাৰ ব্রাদার্ছে এজন ৰসায়নবিদক নিজৰ সংগী কৰি চাবোনত গ্লিচাৰিন আৰু পাম অইল যোগ কৰে। ইয়াৰ কাৰণে চাবোনত ফেন গঠন হ’বলৈ ধৰিলে আৰু ইয়াৰ সুগোন্ধ ওলাবলৈ ধৰিলে।
লিভাৰ ব্রাদার্ছে প্ৰথমে ইয়াক হানি চাবোন নামেৰে মুকলি কৰিছিল৷ কিছু সময়ৰ পাছত তেওঁ ইয়াক নতুন নাম দিলে Sunlight। ইয়াৰ নামটো বাৰে বাৰে সলনি হৈ তাৰ পিছত লাক্স হ’ল। লিভাৰ ব্ৰাদাৰ্ছ নামৰ এই কোম্পানীটো বৰ্তমান ইউনিলিভাৰ নামেৰে জনাজাত।
লাক্স নাম কিয় হ’ল-
লিভাৰ ব্রাদার্ছে বিচাৰিছিল যে তেওঁলোকৰ চাবোনৰ নামটোত বিলাসী অনুভৱ হওক৷ লগতে নামটো এনেকুৱা হ’ব লাগে যাতে সকলোৰে ওঁঠত খুন্দা মাৰে। সহজভাৱে ক’বলৈ গ’লে বিলাসীতাৰ পৰা অনুপ্ৰাণিত হৈ তেওঁ চাবোনৰ নাম ৰাখিলে লাক্স। লাক্স লেটিন শব্দ যাৰ অৰ্থ পোহৰ।
কোম্পানীটোৱে নিজৰ বিজ্ঞাপনত ব্ৰেণ্ড এম্বেছাদৰ হিচাপে সমগ্ৰ বিশ্বৰ পৰা বিখ্যাত চলচ্চিত্ৰ তাৰকা ব্যৱহাৰ কৰিছে। বলীউডৰ পৰা মধুবালা, ৰেখা, মীনা কুমাৰী, হেমা মালিনী, মাধুৰী দীক্ষিত, শ্ৰীদেৱী, ঐশ্বৰ্য ৰায়, কৰীণা কাপুৰ, কেটৰিনা কাইফ, অনুষ্কা শৰ্মা, দীপিকা পাডুকন, আলিয়া ভাট আদি।
শ্বাহৰুখ খানো লাক্সৰ ব্ৰেণ্ড এম্বেছাদৰ হিচাপে কাম কৰিছে। এতিয়া ১০০ বছৰত ভৰি দিয়া লাক্সে শ্বাহৰুখ খানৰ কন্যা চুহানা খানক ব্ৰেণ্ড এম্বেছাদৰ হিচাপে নিযুক্তি দিছে। হলিউডৰ বিখ্যাত অভিনেত্ৰী মেৰিলিন মনৰোও ইয়াৰ ব্ৰেণ্ড এম্বেছাদৰ হিচাপে কাম কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
