বাবা ছিদ্দিকিৰ ঘনিষ্ঠ বন্ধু শ্বাহৰুখ অনুপস্থিত শ্ৰদ্ধাঞ্জলি অনুষ্ঠানত, ডাঙৰ কাৰণ পোহৰলৈ
মহাৰাষ্ট্ৰৰ প্ৰাক্তন মন্ত্ৰী তথা এন চি পি নেতা বাবা ছিদ্দিকৰ মৃত্যুৰ খবৰে দেশক স্তম্ভিত কৰি তুলিছে। দশমী পূজাৰ সন্ধিয়া পুত্ৰ জীশানৰ কাৰ্যালয়ৰ বাহিৰত গুলীচালনা কৰা হৈছিল ছিদ্দিকক। মুম্বাইৰ বাদা কাব্ৰাস্তানত সম্পূৰ্ণ ৰাজ্যিক সন্মানেৰে তেওঁৰ অন্ত্যেষ্টিক্ৰিয়া সম্পন্ন হয়।
ঘনিষ্ঠ বুলি পৰিচিত- ছলমান খান, শিল্পা শ্বেট্টী, সঞ্জয় দত্তকে ধৰি বহু বলীউডৰ চেলিব্ৰিটিয়ে বাবা চিদ্দিকিক শ্ৰদ্ধাঞ্জলি জনাবলৈ উপস্থিত থাকে। কেৱল ছিদ্দিকৰ ঘনিষ্ঠ বন্ধু হিচাপে পৰিচিত শ্বাহৰুখ খান উপস্থিত নাথাকে শ্ৰদ্ধাঞ্জলি অনুষ্ঠানত। যাক লৈ এক ডাঙৰ প্ৰশ্ন উত্থাপন হৈছে।
এক প্ৰতিবেদনত কোৱা হৈছে যে ৰাজনৈতিক বিতৰ্কৰ পৰা আঁতৰি থাকিবলৈ শ্বাহৰুখ খানে অন্ত্যেষ্টিক্ৰিয়া এৰাই চলিছিল। ছিদ্দিকৰ লগতে ছলমান খানকো ভাবুকি প্ৰদান কৰা তথা ছিদ্দিকিৰ মৃ্ত্যুৰ কাৰণ লৰেন্স বিষ্ণোই গেঙৰ বাবেই নিজকে আঁতৰত ৰাখে বলীউডৰ কিং খান শ্বাহৰুখ খানে। খবৰ অনুসৰি কি খানে ভাবুকি আহিব লগা পৰিস্থিতিৰ বাবেই নিজকে এনে অনুষ্ঠানৰ পৰা বাহিৰত থাকি নিজকে ৰক্ষা কৰিব বিচাৰিছে।
এটা সূত্ৰই শ্বেয়াৰ কৰিছে, ‘শ্বাহৰুখ খানে হত্যাকাণ্ড বা ৰাজনীতি সন্দৰ্ভত কোনো ধৰণৰ আলোচনাত জড়িত হ’ব নিবিচাৰে। গেংটোৰ সৈতে জড়িত বিপদৰ বাবে তেওঁ নিজকে সুৰক্ষিত ৰাখিবলৈ অন্ত্যেষ্টিক্ৰিয়াৰ পৰা আঁতৰি থাকিবলৈ বাছি লৈছিল।”
উল্লেখ্য যে, বাবা ছিদ্দিক কেৱল এজন ৰাজনীতিবিদেই নহয়, বলীউডৰ তাৰকা সকলৰ সৈকে আছে ভাল সম্পৰ্ক। ইয়াৰ উপৰিও ছলমান খান আৰু শ্বাহৰুখ খানক পুনৰ একত্ৰিত কৰাত গুৰুত্বপূৰ্ণ ভূমিকা পালন কৰিছিল বাবে ছিদ্দিকিয়ে।
২০১৩ চনত ছিদ্দিকৰ ইফতাৰ পাৰ্টিত শ্বাহৰুখ-ছলমানৰ সম্পৰ্ক সলনি হয়, আৰু ইজনে-সিজনক সাৱটি ধৰি দীৰ্ঘদিনীয়া বিবাদৰ অন্ত পেলায়। এই মুহূৰ্তটো বলীউডৰ এক স্মৰণীয় দিন হিচাপে পৰিণত হ’য়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
