৪০ ঘণ্টাজোৰা সংঘৰ্ষৰ অন্তত সুৰক্ষাবাহিনীৰ বৃহৎ সফলতা, কোটি টকাৰ পুৰস্কাৰ থকা নক্সালী নিহত
ছত্তীশগড়ৰ গৰিয়াবন্দত আৰক্ষী, নিৰাপত্তা বাহিনী আৰু নক্সালবাদীৰ মাজত এনকাউণ্টাৰত সেনাবাহিনীৰ বৃহৎ সফলতা। অন্য কেইবাগৰাকীৰ লগতে কোটি টকাৰ পুৰস্কাৰ থকা নক্সালী নিহত।
কুলহাদিঘাটৰ ভালুদিগ্গীৰ পাহাৰত বিগত ৪০ ঘণ্টা ধৰি চলি আছিল এই সংঘৰ্ষ। এই এনকাউণ্টাৰত এতিয়ালৈকে মুঠ ১৯ জন নক্সালবাদী নিহত হোৱাৰ খবৰ পোৱা গৈছে। ইয়াৰে ১৬ জন নক্সালবাদীৰ মৃতদেহ উদ্ধাৰ কৰা হৈছে।
এই ১৬ জন নক্সালবাদীৰ ভিতৰত আছে কুখ্যাত জয় ৰাম ওৰফে চলাপাঠী, যাৰ ওপৰত ১ কোটি টকাৰ পুৰস্কাৰ নিৰ্ধাৰণ কৰা আছিল। জানিব পৰা মতে, আৰক্ষীয়ে অঞ্চলটোৰ পৰা বিপুল পৰিমাণৰ অস্ত্ৰ-শস্ত্ৰও উদ্ধাৰ কৰিছে।
এনকাউণ্টাৰৰ সমান্তৰালকৈ কালি পুৱাৰে পৰা অঞ্চলটোত তালাচী অভিযানো চলি আছে। এই অঞ্চলত নক্সালবাদী লুকাই থকা আৰু লগত বহু ধৰণৰ অস্ত্ৰ-শস্ত্ৰ থকাৰ তথ্য লাভ কৰিছিল আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
