অসম লাইভ ২৪ঃ দেশৰ মহিলাসকলৰ সৱলীকৰণৰ বাবে কেন্দ্ৰীয় চৰকাৰৰ একাধিক আঁচনি আছে। আঁচনিসমুহৰ দ্বাৰা ইতিমধ্যে উপকৃত হৈছে দেশৰ কেইবাহাজাৰো মহিলা। আজি তেনে এখন আঁচনিৰ কথাই ক’ব বিচাৰিছো। এই আঁচনিৰ জৰিয়তে আপুনি কেন্দ্ৰীয় চৰকাৰৰ পৰা ৩ হাজাৰ ৬ শ টকা আৰ্থিৰ সহায় পাব। আঁচনিখনৰ নাম হ’ল জননী সুৰক্ষা যোজনা। গৰ্ভৱতী মহিলা আৰু নৱজাতকৰ অৱস্থাৰ উন্নতিক সামৰি লয় এই আঁচনিখনে। দৰিদ্ৰসীমা ৰেখাৰ তলত থকা মহিলাসকলক ১৪ শ টকাৰ আৰ্থিক সাহায্য প্ৰদান কৰে। প্ৰসৱৰ আগত আৰু পাছত নিজা এলেকাৰ ‘আশাৰ জৰিয়তে দুবাৰ ৩ শ টকাকৈ মুঠ ৬ শ টকা লাভ কৰিব। একেদৰে চহৰৰ মহিলাসকলকো এই আঁচনিয়ে সামৰি লৈছে। চহৰৰ মহিলাসকলে ১০০০ টকাৰ আৰ্থিক সাহায্য লাভ কৰে। গাঁৱৰ দৰে ইয়াতো আশাৰ সহায়ত প্ৰসৱৰ আগে-পাছে মুঠ ৪ শ টকা লাভ কৰে।
এই আঁচনিৰ সুবিধা পাবলৈ আপোনাৰ প্ৰয়োজনীয় নথি-পত্ৰসমুহ হ’ল –
১. আধাৰ কাৰ্ড
২. বি পি এল ৰেচন কাৰ্ড
৩. আৱেদনকাৰীৰ ঠিকনা
৪. জননী সুৰক্ষা কাৰ্ড
৫. চৰকাৰী হাস্পতাল কৰ্তৃপক্ষৰ প্ৰসৱ প্ৰত্ৰ
৬. বেংক একাউণ্টৰ পাছবুক
৭. ম’বাইল নম্বৰ
৮. পাছপৰ্ট চাইজৰ ফটো
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
