অপাৰেচন সিন্দূৰ- ভাৰতৰ বিমানবন্দৰ বন্ধ, বিমান সংস্থাই বাতিল কৰে বিমান সেৱা
পেহেলগাম ঘটনাৰ প্ৰথমটো প্ৰতিশোধ হিচাপে ভাৰতে আজি ৭ মে’ৰ মাজনিশা ২ৰ পৰা ৩ বজাৰ ভিতৰত পাকিস্তানৰ ৯টাকৈ সন্ত্ৰাসবাদী ঘাটিৰ ওপৰত বিমান আক্ৰমণ চলায়। ভাৰতীয় বায়ুসেনাই পাকিস্তান আৰু পাকিস্তান দখল জম্মু-কাশ্মীৰ (PoJK)ত প্ৰৱেশ কৰি ‘অপাৰেচন সিন্দুৰ’ আৰম্ভ কৰে। যাৰ মূল উদ্দেশ্য আছিল পাকিস্তান আৰু POKত থকা সন্ত্ৰাসবাদী ঘাটি ধ্বংস কৰা।
অপাৰেচন সিন্দুৰৰ অধীনত ভাৰতে পাকিস্তানৰ জইছ-ই-মহম্মদ আৰু লস্কৰ-ই-তৈবাৰ মুখ্য কাৰ্যালয়ক লক্ষ্য কৰি লৈছে। পাকিস্তানত ভাৰতৰ বিমান আক্ৰমণৰ মাজতে এয়াৰ ইণ্ডিয়াই নিজৰ যাত্ৰীসকলৰ বাবে এক জাননি জাৰি কৰিছে।
যাৰ অধীনত আজি দুপৰীয়া ১২ বজালৈকে সমগ্ৰ দেশতে এয়াৰ ইণ্ডিয়াৰ বিমান বাতিল কৰা হ’ব। ইণ্ডিগো আৰু স্পাইচ জেট এয়াৰলাইন্সেও বাতিল কৰিছে বিমান সেৱা। সমগ্ৰ উত্তৰ ভাৰতৰ বিমানবন্দৰসমূহ পৰৱৰ্তী জাননী নিদিয়ালৈকে বন্ধ থাকিব বুলি সদৰি।
পাকিস্তান আৰু পি অ’ কেৰ সন্ত্ৰাসবাদী শিবিৰত ভাৰতীয় সেনাবাহিনীৰ আক্ৰমণৰ পিছত এয়াৰ ইণ্ডিয়া, ইণ্ডিগো এয়াৰলাইন্স আৰু স্পাইচ জেটে যাত্ৰীসকলৰ বাবে জাননি জাৰি কৰিছে। ছ’চিয়েল মিডিয়াত এটা পোষ্ট লিখি বিমান সংস্থাটোৱে যাত্ৰীসকলক বিমানবন্দৰ পোৱাৰ পূৰ্বে এই জাননি পঢ়িবলৈ অনুৰোধ জনাইছে।
বিকানেৰ, শ্ৰীনগৰ, জম্মু, অমৃতসৰ, লেহ, চণ্ডীগড়, ধৰ্মশালাকে ধৰি বহু চহৰলৈ বিমান সেৱা বাতিল হৈ থাকিব। ভাৰতীয় সেনাই অপাৰেচন সিন্দুৰ আৰম্ভ কৰাৰ পিছতে জম্মু-কাশ্মীৰত নিয়ন্ত্ৰণ ৰেখাৰ কাষত প্ৰচণ্ড গোলাবৰ্ষণ।
বিমান সংস্থাসমূহে যাত্ৰীসকলক জনাইছে যে ধৰ্মশালা (ডি এইচ এম), লেহ (আই এক্স এল), জম্মু (আই এক্স জে), শ্ৰীনগৰ (এছ এক্স আৰ) আৰু অমৃতসৰ (এ টি কিউ)কে ধৰি উত্তৰ ভাৰতৰ কিছু অংশৰ বিমানবন্দৰসমূহ পৰৱৰ্তী জাননী পৰ্যন্ত বন্ধ থাকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
