অষ্টম কমিছনৰ আওতাত ডি এ কেতিয়া পাব তাকে লৈ প্ৰশ্ন চৰকাৰী কৰ্মীসকলৰ মনত৷ অষ্টম পে কমিছন আৰম্ভ হ’লে চৰকাৰী কৰ্মীসকলৰ একাউণ্টত মোটা টকা সোমাব৷ ফলত দীৰ্ঘদিনৰ অপেক্ষা দূৰ হব৷ এই বিষয়ে নিজৰ অৱস্থান কিছু পৰিমাণে স্পষ্ট কৰিছে কেন্দ্ৰীয় চৰকাৰে৷
সংসদত কি জনাইছে বিত্ত প্ৰতিমন্ত্ৰীয়ে?
সম্প্ৰতি সংসদত লিখিত উত্তৰত বিত্ত প্ৰতিমন্ত্ৰী পংকজ চৌধুৰীয়ে জনাইছে যে ২০২৫চনৰ ৩ নৱেম্বৰত চৰকাৰে আনুষ্ঠানিকভাৱে অষ্টম কেন্দ্ৰীয় পে কমিছন গঠন কৰিছে৷ কমিছনক ১৮ মাহ সময় দিয়া হৈছে দৰমহা, ভাট্টা আৰু পেঞ্চন সংক্ৰান্তিয় তথ্য জমা দিবৰ বাবে৷ কমিছনৰ সকলো তথ্য জমা আৰু অনুমোদনৰ পাছতেই আৰ্থিক সিদ্ধান্ত গ্ৰহণ কৰা হ’ব৷
কেতিয়া হাতলৈ আহিব বাঢ়ি যোৱা দৰমহা?
কাগজে-কলমে ২০২৬ চনৰ ১ জানুৱাৰীৰ পৰা নতুন দৰমহা কাঠামো কাৰ্যকৰ হোৱাৰ কথা৷ বাস্তৱত কৰ্মীসকলৰ হাতলৈ এতিয়াও বঢ়া দৰমহা অহা নাই৷ বিশেষজ্ঞৰ মতে, ২০২৬ চনৰ শেষ দিশত বা ২০২৬-২০২৭ অৰ্থবৰ্ষত এই দৰমহা কাৰ্যকৰ হ’ব পাৰে৷
কিমান বাঢ়িব দৰমহা?
এতিয়াও দৰমহা বৃদ্ধিক লৈ চৰকাৰীভাৱে কোনো তথ্য জনোৱা হোৱা নাই৷ প্ৰাথমিক অনুমান যে ২০শতাংশৰ পৰা ৩৫ শতাংশ পৰ্যন্ত বাঢ়িব পাৰে দৰমহা৷ কোনো চৰকাৰী কৰ্মীয়ে যদি ৫০ হাজাৰ টকা দৰমহা পায় তেতিয়া ২০ৰ পৰা ৩৫ শতাংশ ডি এ বৃদ্ধিৰ ফলত তেওঁৰ একাউণ্টত সোমাব ৬০ৰ পৰা ৬৭৫০০ টকা৷ আৰু সম্ভাব্য ফিটমেণ্ট ফেক্টৰ ২.৪ৰ পৰা ৩ শতাংশৰ মাজত থাকিব পাৰে বুলি অনুমান কৰা হৈছে৷
বিশেষজ্ঞই জনাইছে চূড়ান্ত সিদ্ধান্ত নিৰ্ভৰ কৰিব মুদ্ৰাস্ফীতি, চৰকাৰৰ আৰ্থিক অৱস্থা, কৰ আদায় আৰু অন্যান্য অৰ্থনৈতিক বিষয়ৰ ওপৰত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
