গুৱাহাটী IIT ত ২জন ISIS সন্ত্ৰাসবাদী- মুখ্যমন্ত্ৰীৰ সদৰি
আই এছ আই এছ সমৰ্থকক গ্ৰেপ্তাৰক লৈ আজি গুৱাহাটী উত্তপ্ত। তাৰ মাজতে মুখ্যমন্ত্ৰী হিমন্ত বিশ্ব শৰ্মাৰ এক চাঞ্চল্যকৰ মন্তব্য। এজন নহয়, দুজন ছাত্ৰ আই এছ আই এছ সমৰ্থক।
দুয়োজনকে আটক আৰক্ষীৰ। সকলোতকৈ গুৰুত্বপূৰ্ণ কথা যে, আটকাধীন দুয়ো গুৱাহাটী আই আই টিৰে ছাত্ৰ। কালি আটক হোৱা প্ৰথমগৰাকী ছাত্ৰ তৌফিক আলী ফাৰুকীৰ স্বীকাৰুক্তিৰ ভিত্তিতে আজি অভিযান চলাইছিল আই আই টিত।
সেই অভিযানতে আটক হয় আন জন আই এছ আই এছক সমৰ্থন কৰা ছাত্ৰ। গুৱাহাটী IIT ৰ দুয়োজন ছাত্ৰৰে চিন্তা-চৰ্চা সম্পূৰ্ণৰূপে উগ্ৰ মৌলবাদী। দুয়োৰে বিশ্বাস এয়া সকলো আল্লাৰ আদেশ।
দুয়ো ছাত্ৰৰে মন্তব্য – আল্লাই কৰিব দিয়া বাবেই আই এছ আই এছে এনে কৰে। সকলো আল্লাৰ নিৰ্দেশনাতে হয়। দুয়োজন ছাত্ৰৰে ঘৰ দিল্লীৰ বাটলাহাউচৰ কাষত।
ইতিমধ্যে IIT ত পঢ়ি থকা দুয়োজন ছাত্ৰৰ পৰিয়ালক খবৰ দিয়া হৈছে। উল্লেখ্য যে, তৌফিক আলী ফাৰুকী বায়’ টেকন’ল’জিৰ ছাত্ৰ আৰু আজি গ্ৰেপ্তাৰ হোৱা ছাহাউল উৰ ৰহমান বি টেক বিভাগৰ ছাত্ৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
