ঘৰখনত জন্মদিনৰ বিশাল আয়োজন৷ পিতৃ-মাতৃ ব্যস্ত অতিথি আপ্যায়নত৷ একমাত্ৰ কন্যাৰ দুবছৰীয়া উদযাপনৰ বিশাল আয়োজন৷ কিন্তু মূহুৰ্ততেই সকলো থানবান কৰি দিলে এটা খবৰে৷ জন্মদিন উদযাপনৰ মৰ্মান্তিক পৰিণতি শিশুকন্যাৰ৷ জন্মদিনৰ দিনাই শোকাৱহভাৱে মৃত্যু হয় সন্তানটিৰ৷ এখন চকীত বহি খেলি আছিল শিশুটিয়ে৷ খেলি থকাৰ মাজতে চকীৰ পৰা সৰি পৰে কাষতে থকা গৰম খাদ্যৰ কেৰাহীত৷ এনে পৰিস্থিতিত সম্বিৎ হেৰুৱাই পেলায় তেওঁৰ পিতৃ-মাতৃ তথা অনুষ্ঠানত উপস্থিত থকা প্ৰতিগৰাকী অতিথিয়ে৷
শিশুটিক উদ্ধাৰ কৰি তাততৈয়াকৈ চিকিৎসালয়লৈ নিয়াৰ ব্যৱস্থা কৰা হয় যদিও শৰীৰৰ ৯০ শতাংশ জ্বলি উঠে শিশুটিৰ৷ সোমবাৰে মৃত্যু হয় কনমানিটিৰ৷ এই মাৰ্মান্তিক ঘটনা সংঘটিত হৈছে অন্ধ্ৰ প্ৰদেশৰ কৃষ্ণা জিলাৰ কালাগড় অঞ্চলত৷ অশেষ চেষ্টা কৰিও সিশুটিক জীৱিত ৰখাত অসমৰ্থ হয় শিশুটেৰ পিতৃ-মাতৃ তথা চিকিৎসক৷ ইতিমধ্যে ঘটনা সন্দৰ্ভত এজাহাৰ দাখিল কৰিছে আৰক্ষীয়ে৷ কি দৰে খেলি থকা অৱস্থাত শিশুটি খাদ্যৰ কেৰাহীত পৰিল তাক লৈ আৰম্ভ কৰিছে তদন্ত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
