২৫টা বছৰ পাৰ, ১১ জোৱানক কোনোদিনে পাহৰিব নোৱাৰে দেশবাসীয়ে, ইয়াৰে দুগৰাকী উত্তৰপূৱৰ
আজিৰ এই ২৬ জুলাই তাৰিখ ভাৰতৰ বাবে কেতিয়াও পাহৰিব নোৱাৰা এটা দিন। ২৫ টা বছৰ পাৰ হ’ল সেই ক’লা অধ্যায়ৰ। পাকিস্তানৰ বিৰুদ্ধে ভাৰতে দেশ ৰক্ষাৰ বাবে যুঁজ দি প্ৰাণ হেৰুৱাইছিল ৫২৭ গৰাকী দেশৰক্ষকে। সেয়াাই আছিল কাৰ্গিল যুদ্ধ। যি যুদ্ধত নিহতৰ লগতে ১৩৬৩ গৰাকী আহত হৈছিল।
যি ১৩৬৩ গৰাকীৰ ভিতৰত কোনোৱে হেৰুাৱইছিল হাত, কোনোৱে ভৰি, কোনোৱে চিৰ জীৱনৰ বাবে অন্ধ হৈ পৰিছিল। বহুতেই বহুতো হেৰুৱাইছিল। ইয়াৰ বাহিৰেও ৫গৰাকী জোৱান যুদ্ধবন্দী হৈ পৰিছিল।
সেই যুদ্ধতেই ১১ গৰাকী এনে জোৱান, যাৰ বীৰ গাঁঠা কেতিয়াও কৈ শেষ কৰিব নোৱাৰি, প্ৰাণৰ শেষ উসাহ থকালৈকে কেৱল দেশ মাতৃৰ ৰক্ষাৰ চিন্তাকে কৰি থাকিল জোৱানসকলে। ইয়াৰে দুগৰাকী অসমৰ চুবুৰীয়া ৰাজ্যৰ এগৰাকী নাগালেণ্ড আৰু এগৰাকী মেঘালয়ৰ।
এই ১১ গৰাকী জোৱান হৈছে- কেপ্টেইন বিক্ৰম বাত্ৰা (মৰণোত্তৰভাৱে পৰম বীৰ চক্ৰ), যোগেন্দ্ৰ সিং যাদৱ( পৰম বীৰ চক্ৰ) , কেপ্তেইন মনোজ কুমাৰ পাণ্ডে (মৰণোত্তৰভাৱে পৰম বীৰ চক্ৰ), সঞ্জয় কুমাৰ (পৰম বীৰ চক্ৰ), বলবান সিং ( মহা বীৰ চক্ৰ), মেজৰ ৰাজেশ সিং অধিকাৰী (মৰণোত্তৰভাৱে মহা বীৰ চক্ৰ), মেজৰ বিবেক গুপ্তা (মৰণোত্তৰভাৱে মহা বীৰ চক্ৰ), কেপ্তেইন এন কেংগুৰুছে ((মৰণোত্তৰভাৱে মহা বীৰ চক্ৰ), লেফটেনেণ্ট কেইচিং ক্লিপোৰ্ড ননগ্ৰুম (মৰণোত্তৰভাৱে মহা বীৰ চক্ৰ), দিগেন্দ্ৰ কুমাৰ (মহা বীৰ চক্ৰ), কেপ্তেইন অনমোল কালিয়া (বীৰ চক্ত) ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ