বৰষুণৰ বতৰত সাধাৰণ ৰাইজৰ বহুতো সমস্যাৰ সৃষ্টি হয়। এই দিনবোৰত চলা-ফুৰাৰ সমস্যাৰ লগতে একাংশক ছালৰ সমস্যায়ো দেখা দিয়ে। বৰষুণৰ দিনত ছালৰ সংক্ৰমণ আৰু এলাৰ্জী সাধাৰণতে দেখা যায়। বৰষুণৰ বতৰত আৰ্দ্ৰতাই ভেঁকুৰৰ সংক্ৰমণ, ফোহা, ব্ৰণ বৃদ্ধি কৰিব পাৰে। নিম, হলধি, গাখীৰ, এলোভেৰা, দৈ আৰু বেচৰ দৰে ঘৰুৱা ঔষধে ছালখন সুস্থ আৰু উজ্জ্বল কৰি ৰখাত সহায় কৰিব পাৰে। ছালৰ যত্নৰ সঠিক নিয়ম মানি চলা, ভাল পৰিষ্কাৰ-পৰিচ্ছন্নতা বজাই ৰখা, আৰু পাতল কাপোৰ পিন্ধাটোৱে আপোনাক বাৰিষাৰ ছালৰ সমস্যাৰ পৰা ৰক্ষা কৰাত সহায় কৰিব পাৰে।
আয়ুৰ্বেদত নিম পাতক প্ৰাকৃতিক এন্টিচেপ্টিক আৰু এন্টিফাংগেল বুলি গণ্য কৰা হয়। বাৰিষাৰ সময়ত যেতিয়া ঘাম আৰু আৰ্দ্ৰতাই ভেঁকুৰৰ সংক্ৰমণ বৃদ্ধি কৰিব পাৰে। নিম পাত পানীত উতলাই গা ধোৱাটো অতি উপকাৰী। ই ঘামৰ ফলত হোৱা খজুৱতি, ৰঙা দাগ কমায়, আৰু ছালখনক সংক্ৰমণৰ পৰা ৰক্ষা কৰে।
হালধিত থকা কাৰকুমিন উৎকৃষ্ট প্ৰদাহ নিবাৰণকাৰী, আনহাতে গাখীৰত মইশ্ব’ৰাইজিং আৰু ছাল মসৃণ কৰা গুণ আছে। বাৰিষা কালত যদি আপোনাৰ ছালত খজুৱতি হয় বা ফোহা ওলায়, তেন্তে হালধি আৰু গাখীৰৰ পেষ্ট প্ৰয়োগ কৰিলে বিষ, ৰঙা পৰা আৰু প্ৰদাহ কম কৰিব পাৰে। এই প্ৰতিকাৰে ছালখনক ভিতৰৰ পৰাও পুষ্টি প্ৰদান কৰে আৰু আপোনাৰ ছালৰ ৰংটোক প্ৰাকৃতিক উজ্জ্বলতা প্ৰদান কৰিব।
বাৰিষাৰ বাবে এলোভেৰা ঘৰুৱা ঔষধ অতি ফলপ্ৰসূ। ইয়াৰ শীতল আৰু হাইড্ৰেটিং গুণে ছালৰ খজুৱতি, বিৰক্তি, আৰু ফোহা নিমিষতে শান্ত কৰে। তদুপৰি এলোভেৰা জেলে ছিদ্ৰ পৰিষ্কাৰ কৰে আৰু তেল নিয়ন্ত্ৰণ কৰাত সহায় কৰে। বাৰিষাৰ সময়ত ব্ৰণৰ সমস্যাত ভোগা লোকৰ বাবে এই প্ৰাকৃতিক প্ৰতিকাৰ অত্যন্ত উপকাৰী।
তেলীয়া ছাল থকাসকলে বাৰিষাৰ সময়ত প্ৰায়ে ব্ৰণ আৰু আঠাযুক্ত হোৱাৰ দৰে সমস্যাৰ সন্মুখীন হয়। দৈ আৰু বেচনৰ পেক এটাই ইয়াৰ নিখুঁত সমাধান। দৈয়ে ছালখন ছাফা আৰু মইশ্ব’ৰাইজ কৰে, আনহাতে বেচনে অতিৰিক্ত তেল শোষণ কৰি পৰিষ্কাৰ আৰু সতেজ কৰি ৰাখে। এই পেকটো সপ্তাহত দুবাৰ প্ৰয়োগ কৰিলে ব্ৰণ আৰু ছালৰ এলাৰ্জীৰ আৱিৰ্ভাৱ কমি যায়।
সহজ ঔষধ। গোলাপৰ জলে ছালখন বিষমুক্ত কৰি শান্ত কৰে, আনহাতে চন্দন কাঠৰ পেষ্টে ফোহা, খজুৱতি, ৰঙা দাগ শান্ত কৰে। এই পেক ব্যৱহাৰ কৰিলে ছালখন সতেজ আৰু উজ্জ্বল হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
