এল পি জি বুকিং সন্দৰ্ভত ঘোষণা কৰা হৈছে এটা ডাঙৰ আপডেট। দুটা চিলিণ্ডাৰ (double bottle cylinder) সংযোগ থকা গ্ৰাহকে এতিয়া ৰিফিল বুকিং কৰাৰ পূৰ্বে শেষৰ ডেলিভাৰীৰ পৰা ৩৫ দিন অপেক্ষা কৰিব লাগিব। পূৰ্বে এই ব্যৱধান আছিল ২৫ দিনৰ। এই নিয়ম চহৰ আৰু গ্ৰামাঞ্চল উভয়তে প্ৰযোজ্য হ’ব।
নতুন নিয়ম অনুসৰি double bottle cylinderৰ সংযোগ থকাসকলে এতিয়া নতুন চিলিণ্ডাৰ বুকিং কৰিবলৈ ৩৫ দিন অপেক্ষা কৰিব লাগিব। অৰ্থাৎ এটা চিলিণ্ডাৰ ব্যৱহাৰ কৰি আনটো বেকআপ হিচাপে ঘৰতে ৰাখিব, কিন্তু পৰৱৰ্তী বুকিং ৩৫ দিনৰ পিছতহে সম্ভৱ হ’ব। পূৰ্বে এই সময়সীমা আছিল ২৫ দিন। গতিকে এনে পৰিয়ালসমূহে এতিয়া নিজৰ ব্যৱহাৰৰ পৰিকল্পনা সযতনে কৰিব লাগিব, কিয়নো তেওঁলোকে আগতীয়াকৈ বুকিং কৰিলেও চিষ্টেমে একে নিৰ্ধাৰিত সময়ত স্লট প্ৰদান কৰিব।
২৫ দিনৰ ভিতৰত কোনে বুকিং কৰিব পাৰিব?
যিসকলৰ ওচৰত এটা চিলিণ্ডাৰ সংযোগ থাকিব, তেওঁলোকে ২৫ দিনৰ পাছত নতুন চিলিণ্ডাৰ বুকিং কৰিব পাৰে। এই নিয়ম সেইসকল লোকৰ বাবে, যাক শীঘ্ৰে গেছৰ প্ৰয়োজন হয়। চৰকাৰৰ উদ্দেশ্য বিপদৰ সময়ত সকলোৱে যাতে গেছ লাভ কৰে আৰু খালী চিলিণ্ডাৰৰ সমস্যাৰ পৰা হাত সাৰিবলৈ।
৪৫ দিনৰ ভিতৰত কোনে বুকিং কৰিব পাৰে?
প্ৰধানমন্ত্ৰী উজ্জ্বলা যোজনাৰ অধীনত সামৰি লোৱা গ্ৰাহকে এতিয়া ৪৫ দিনৰ পিছতহে নতুন চিলিণ্ডাৰ বুকিং কৰিব পাৰিব। এই আঁচনিখন দৰিদ্ৰ পৰিয়াল আৰু মহিলাৰ বাবে, গতিকে ইয়াৰ যোগান ব্যৱস্থাটো বেলেগ ধৰণে পৰিচালিত হয়। ৪৫ দিনৰ সময়সীমা দিছে যাতে সকলো হিতাধিকাৰীৰ ওচৰলৈ সময়মতে গেছ পোৱা যায় আৰু কোনো ধৰণৰ নাটনি বা সমস্যা নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
