প্ৰবল বৰষুণত তছনছ জম্মু-কাশ্মীৰ৷ অতিবৃষ্টিৰ ফলত ভয়াৱহ বিপৰ্যয়ৰ সন্মুখীন হৈছে স্থানীয় বাসিন্দাৰ লগতে পৰ্যটকসকলো৷ বান, হড়পা বান, ভূমিস্খলনৰ ফলত বিধ্বস্ত জম্মু আৰু কাশ্মীৰ৷ ক্ৰমে বাঢ়িছে মৃতকৰ সংখ্যা৷ এইবাৰ ভয়াৱহ দুৰ্ঘটনা ঘটিছে বৈষ্ণোদেৱী যাত্ৰাপথত৷ এই যাত্ৰাপথতেই ৩০ গৰাকী লোকৰ মৃত্যু হৈছে৷ আহত গৈছে বহুজন৷ ভয়ংকৰ চাপত পৰিছে বহু মানুহ৷ অত্যধিক বৰষুণৰ মাজতো চলিছে উদ্ধাৰৰ কাম৷
সৰ্বভাৰতীয় সংবাদমাধ্যম সূত্ৰৰ পৰা জনা গৈছে জম্মু আৰু কাশ্মীৰৰ কাটৰাৰ অৰ্ধকুমাৰীৰ কাষত বৈষ্ণোদেৱীলৈ যাত্ৰাপথত ভয়ংকৰ ভূমিস্খলনৰ ঘটনা সংঘটিত হৈছে৷ প্ৰৱল বৃষ্টিৰ বাবেই এই ভয়াৱহ দুৰ্ঘটনা ঘটিছে৷ ভূমিস্খলনত বৰ্তমান পৰ্যন্ত ৩০ গৰাকী লোকৰ মৃত্যু হৈছে৷ আহত হৈছে আৰু ২৩ গৰাকী লোক৷ বৰ্তমানো মাটিৰ তলত আৱদ্ধ হৈ আছে বহুজন৷ মৃতকৰ সংখ্যা আৰু বাঢ়িব পাৰে বুলি আশংকা কৰিছে উদ্ধাৰকাৰী দলে৷
বৈষ্ণোদেৱী যাত্ৰাপথত হোৱা ভূমিস্খলনৰ ঘটনাক লৈ শোকপ্ৰকাশ কৰিছে কেন্দ্ৰীয় গৃহমন্ত্ৰী অমিত শ্বাহ৷ তেওঁ জনাইছে, ইতিমধ্যেই জম্মু আৰু কাশ্মীৰৰ মুখ্যমন্ত্ৰী ওমৰ আব্দুল্লাৰ সৈতে ফোনত যোগাযোগো কৰিছিল৷ প্ৰাকৃতিক বিপৰ্যয়ৰ পৰিস্থিতিত ৰাজ্যৰ কাষত থকাৰ প্ৰতিশ্ৰুতি দিছে কেন্দ্ৰই৷ নিহত আৰু আহতসকলৰ কাষত থকাৰ বাৰ্তাও দিছে অমিত শ্বাহে৷
মঙলবাৰৰ পৰা বৰ্তমান পৰ্যন্ত বৰষুণ অব্যাহত আছে জম্মু-কাশ্মীৰত৷ কৰোবাত বান, কৰোবাত ভূমিস্খলন, কৰোবাত বান৷ মঙ্গলবাৰৰ পৰা প্ৰাকৃতিক দুৰ্যোগত ধ্বংসলীলা চলিছে জম্মু আৰু কাশ্মীৰৰ জিলাই জিলাই৷ মঙ্গলবাৰে ডোডা জিলাৰ বানত একাধিক বাসিন্দাৰ মৃত্যু হৈছে৷ এই পৰিস্থিতিত বৈষ্ণোদেৱী যাত্ৰা বন্ধ ৰখাৰ ঘোষণা কৰিছিল প্ৰশাসনে৷ নিশাই বৈষ্ণোদেৱী যাত্ৰাপথত ভূমিস্খলনো হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
