৭০০ মিটাৰ দ’ খাৱৈত বাগৰি পৰি ৪ জোৱানৰ কৰুণ মৃত্যু
এক অতিকে শোকাৱহ খবৰ আহিছে চিকিমৰ পৰা। ৭০০ মিটাৰ দ’ খাৱৈত বাগৰি পৰাৰ ফলত প্ৰাণ হেৰুৱালে ৪ জনকৈ ভাৰতীয় সেনা জোৱানে। পশ্চিম বংগৰ পেডঙৰ পৰা ছিকিমৰ পাকয়ং জিলালৈ গৈ আছিল জোৱান কেইগৰাকী।
ঘটনা সন্দৰ্ভত জানিব পৰা অনুসৰি আজি ৫ ছেপ্টেম্বৰ বৃহস্পতিবাৰে ছিকিমৰ ৰেনক ৰংলি ৰাজ্যিক ঘাইপথৰ কাষৰ ডালোপচান্দ দাৰাৰ সমীপত সংঘটিত হৈছে এই ঘটনা।
পশ্চিম বংগৰ পেডংৰ পৰা ছিকিমৰ জুলুকলৈ গৈ থকা অৱস্থাত বৃহস্পতিবাৰে এক পথ দুৰ্ঘটনাত ভাৰতীয় সেনাৰ চাৰিজন জোৱানৰ মৃত্যু হয়। ভাৰতীয় সেনাৰ বিষয়াসকলে সংবাদ সংস্থাক জনোৱা মতে, নিহতসকলৰ ভিতৰত মধ্যপ্ৰদেশৰ চালক প্ৰদীপ পেটেল, মণিপুৰৰ কাৰিকৰ ডব্লিউ পিটাৰ, হাৰিয়ানাৰ নাইক গুৰচেভ সিং আৰু তামিলনাডুৰ চুবেদাৰ কে থাংগাপাণ্ডী।
চালকসহ নিহত আটাইকেইজন সেনা জোৱান পশ্চিম বংগৰ বিনাগুৰিৰ একেটা ইউনিট এনৰুট মিছন কমাণ্ড ইউনিটৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
