পূজা বুলি বাটত ৰৈ থাকোতেই মহতিয়াই নিলে বাহনে, ধুবুৰীত একেলগে প্ৰাণ হেৰুৱালে ৪ টি শিশুৱে
এফালে দুৰ্গা পূজাৰ উলহ মালহ, আনফালে ধুবুৰীৰ দুখন ঘৰত শোকৰ ছাঁ। দুগৰাকী মাতৃৰ বুকু শুদা কৰি গ’লগৈ ৪ কন কন শিশু। পূজা বুলি বাটৰ কাষত থিয় হৈ কিবা কিবি চাই থাকোতেই তীব্ৰবেগী বাহনে মহতীয়াই নিয়ে ৪ শিশুক। কেউটি শিশুৰ মৃত্যু।
ঘটনা সন্দৰ্ভত জানিব পৰা অনুসৰি আজি অষ্টমী-নৱমীৰ পূজা চলি থকাৰ সময়তে ধুবুৰীৰ আগমণিত সংঘটিত হয় এক অতিকে শোকাৱহ ঘটনা। আগমণি সোনাখুলি দ্বিতীয় খণ্ডৰ ১৭ নং ৰাষ্ট্ৰীয় ঘাইপথত এই ভয়ংকৰ পথ দূৰ্ঘটনা।
পথ দুৰ্ঘটনাত ঠাইতে নিহত হয় তিনি কণমানি শিশু, লগতে এটি ৪০ দিনীয়া কেচুঁৱা গুৰুতৰভাৱে আহত হয়। তীব্ৰ বেগী বাহনৰ খুন্দাতে নিহত তিনি কণমানি শিশু। লগে লগে ততাতৈয়াকৈ কেঁচুৱাটিক হাস্পতাললৈ নিয়া হয় যদিও চিকিৎসাধীন অৱস্থাতে মৃত্যু হয় সেই শিশুটিৰো।
নিহত কেউটি শিশু সোনাখুলী দ্বিতীয় খণ্ড গাঁৱৰ মৰিয়ম খাতুন (১০) জুবায়েৰ হুছেইন (৭), মেহেদী হাছান (৫) আৰু ৪০ দিনীয়া কনমানি আবু ৰিহান। পুৱা দেৱ শিশু টোক কোলাত লৈ তিনিও ৰাষ্ট্ৰীয় ঘাইপথৰ কাষত থিয় হৈ আছিল। তেতিয়াই তীব্ৰ বেগত অহা কিয়া ছোনেট বাহন এখনে নিয়ন্ত্ৰণ হেৰুৱাই এই পথ দুৰ্ঘটনা সংঘটিত কৰে।
খবৰ লাভৰ লগে লগে ঘটনাস্থলীত আগমণি আৰক্ষী উপস্থিত হৈ বাহনখন নিজৰ জিম্মাত লোৱাৰ লগতে আৰু নিহত শিশু সকলৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে। পথ দুৰ্ঘটনা সংঘটিত কৰা তীব্ৰবেগী কিয়া ছোনেট বাহনখনৰ নম্বৰ AS-17 L-6331 ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
