অতিকে কৰুণ, ৪০০ বছৰীয়া পুৰণি দেৱাল খহি ৭ লোকে হেৰুৱালে প্ৰাণ, ৫গৰাকী একেটা পৰিয়ালৰ
এক অতিকে শোকাৱহ ঘটনা। ৪০০ বছৰীয়া পুৰণি দেৱাল খহি একেলগে প্ৰাণ হেৰুৱালে ৭ গৰাকী লোকে। তাতোকৈ শোকৰ কথা মৃত্যুমুখত পৰা ৭ লোকৰ ৫ গৰাকীয়েই একেটা পৰিয়ালৰ। এই শোকাৱহ ঘটনা সংঘটিত হৈছে মধ্যপ্ৰদেশৰ দতিয়াত।
দতিয়া জিলাত ৰাজগড় দুৰ্গৰ বাহিৰৰ দেৱাল ভাঙি ৭ জন লোকৰ মৃত্যু। দেৱাল খন ৪০০ বছৰীয়া পুৰণি বুলি জানিব পৰা গৈছে। চুবুৰীয়া লোক এজনে ঘটনা সন্দৰ্ভত জনোৱা মতে, আজি ১২ ছেপ্টেম্বৰৰ পুৱা প্ৰায় ৩.৩০ মান বজাত অতি প্ৰচণ্ড শব্দ শুনা যায়। ওলাই আহোঁতে লোকজনে দেখে যে দুৰ্গৰ বেৰখন খহি গৈছে। সেই খহি পৰা দেৱালৰ ভগ্নাংশৰ তলত আৱদ্ধ হৈ পৰে কেইবাগৰাকী লোক।
লগে লগে অন্য কেইবাজনো লোকৰ সহায়ত সেই ভগ্নাংশৰ পৰা দুজন লোকক উদ্ধাৰ কৰি চিকিৎসালয়লৈ প্ৰেৰণ কৰে। লগতে ঘটনা সন্দৰ্ভত আপক্ষীকো খবৰ কৰে। আৰক্ষীয়ে খবৰ লগে লগে ঘটনাস্থলীত উপস্থিত হয়।
আৰক্ষীয়ে ঘটনাস্থলীত পলমকৈ উপস্থিত হোৱাৰ লগতে উদ্ধাৰকাৰ্যতো লেহেমীয়া কৰে বুলি স্থানীয় লোকৰ অভিযোগ। পুৱা ৮ বজালৈ মৃতদেহ কেইটা উদ্ধাৰ নকৰাত একপ্ৰকাৰৰ হুলস্থুলৰ সৃষ্টি হয়।
উল্লেখ্য যে, জিলাখনত বিগত বহু সময় ধৰি নেৰানেপেৰা বৰষুণৰ ফলতে তেনে এক দুৰ্ঘটনা সংঘটিত হয় আৰু প্ৰাণ হেৰুৱাই ৭ গৰাকীকৈ লোকে। বৰ্তমানে গাঁওখনত শোকৰ ছাঁ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
