বিশ্বৰ সবাতোকৈ ধনী ক্ৰিকেটাৰ কোন ? শীৰ্ষ ৫ ৰ ভিতৰত ৩গৰাকীয়ে ভাৰতৰ
সমগ্ৰ বিশ্বতে ক্ৰিকেটৰ জনপ্ৰিয়তা কিমান সেয়া সকলোৱে জানে, ভাৰততো ক্ৰিকেটৰ নামৰ পাগল অনুৰাগী। কেৱল ক্ৰিকেট খেলিয়ে বহু খেলুলৈ হৈছে অগাধ সম্পত্তিৰ মালিক। তাৰোপৰি ক্ৰিকেটৰ পৰা জনপ্ৰিয়তা লাভৰ পাছত লাভ কৰে বহু বিজ্ঞাপন। যাৰ জৰিয়তেও বহু টকা উপাৰ্জন খেলুৱৈৰ।
পাছে জানেনে বিশ্বৰ সবাতোকৈ ধনী ক্ৰিকেট খেলুৱৈ কোন ! এই তালিকাৰ শীৰ্ষত এগৰাকী ভাৰতীয় খেলুৱৈ। কেৱল শীৰ্ষ স্থানেই নহয়, শীৰ্ষ ৫ ৰ ভিতৰত আছে মুঠ ৩ গৰাকী খেলুৱৈ।
সমগ্ৰ বিশ্বতে ক্ৰিকেট অতি জনপ্ৰিয়। খেল খেলাৰ উপৰিও এই ক্ৰিকেটাৰসকলে আন আন বস্তুৰ পৰাও বহু টকা উপাৰ্জন কৰে।
বিশ্বৰ আটাইতকৈ ধনী খেলুৱৈ শচীন টেণ্ডুলকাৰ, যাক ক্ৰিকেটৰ ভগৱান বুলি কোৱা হয়। টাইমছ অৱ ইণ্ডিয়া ২০২৪ৰ প্ৰতিবেদন অনুসৰি শচীন তেণ্ডুলকাৰৰ সম্পত্তিৰ পৰিমাণ ১৭০ মিলিয়ন ডলাৰ (১৪১০ কোটি)।
এই তালিকাৰ দ্বিতীয় নম্বৰত আছে ভাৰতীয় ক্ৰিকেট দলৰ প্ৰাক্তন অধিনায়ক কেপ্টেইন কুল মহেন্দ্ৰ সিং ধোনি। ২০২৪ চনৰ প্ৰতিবেদন অনুসৰি ধোনীৰ মুঠ সম্পত্তিৰ পৰিমাণ ১৩০ মিলিয়ন ডলাৰ ( ১০৮০ কোটি)।
ধনী ক্ৰিকেটাৰৰ এই তালিকাত তৃতীয়ত কিং কোহলী- বিৰাট। টাইমছ অৱ ইণ্ডিয়াৰ তথ্য অনুসৰি বিৰাটৰ মুঠ সম্পত্তিৰ পৰিমাণ ১২০ মিলিয়ন ডলাৰ (১০০০ কোটি)।
অষ্ট্ৰেলিয়াৰ ক্ৰিকেট দলৰ প্ৰাক্তন অধিনায়ক ৰিকি পণ্টিং এই তালিকাৰ চতুৰ্থত। পণ্টিঙৰ মুঠ সম্পত্তিৰ পৰিমাণ প্ৰায় ৮০ মিলিয়ন ডলাৰ (৬৬৫ কোটি)।
দক্ষিণ আফ্ৰিকাৰ দ্বিগ্বজ অলৰাউণ্ডাৰ খেলুৱৈ জেক কালিছ এই তালিকাৰ পঞ্চমত। তেখেতৰ মুঠ সম্পত্তিৰ পৰিমান ৭০ মিলিয়ন ডলাৰ (৫৮০ কোটি)।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
