বলীউডৰ পৰা হলিউড, তেওঁলোকক পাৱাৰ কাপল হিচাপেই জনা যায়৷ কিন্তু বিগত কেইবামান ধৰি তেওঁলোকৰ মাজত দূৰত্ব আহিছে বুলি কিছু কিছু সংবাদমাধ্যমত প্ৰকাশিত হৈছে বাতৰি৷ পৰস্পৰৰ প্ৰেমত এসময় ডুবি থাকিলেও এইবাৰ দুয়োৰে মাজত থিয় দিছে অভিমানৰ দেৱাল৷ এই বিষয়ক লৈ মুখ খুলিছে দেশী গাৰ্ল প্ৰিয়ংকাই৷
অস্কাৰৰ অনুষ্ঠানতো একেলগে দেখা গৈছিল প্ৰিয়ংকা আৰু নিকক৷ কিন্তু তেওঁলোকৰ ভিতৰুৱা খবৰ বিয়পি পৰাৰ বিষয়ক লৈ এতিয়া সৰৱ হৈছে প্ৰিয়ংকা৷ সমস্ত জল্পনাত পানী ঢালিছে প্ৰিয়ংকাই৷ স্পষ্টকৈ প্ৰিয়ংকাই কৈছে তেওঁ আৰু নিক খুবেই সুখী৷ সম্পৰ্কও অটুট আছে তেওঁলোকৰ৷ ওলোটাই প্ৰিয়ংকাই প্ৰশ্ন কৰিছে একাংশক, এনে ভুৱা খবৰ কিয় বিয়পাইনো?
এছ এছ ৰাজামৌলীৰ বাৰাণসী ছবিৰ শ্বুটিঙত ব্যস্ত আছে প্ৰিয়ংকা চোপ্ৰা৷ বৰ্তমান তেওঁ দক্ষিণ ভাৰতত শ্বুটিং কৰি আছে৷ তাতেই এক সাক্ষাৎকাৰত অভিনেত্ৰীৰ স্পষ্ট উত্তৰ, ‘নিক আৰু মই দুজনেই আমাৰ সংসাৰত সুখত আছো৷ আমি খুব সুন্দৰভাৱে নিজৰ জীৱনটো আগুৱাই লৈ গৈ আছো৷ বাহিৰৰ চৰ্চাত আমি কাণ নিদিও৷ বিগত কেইবাদিনৰ আমাৰ বিচ্ছেদৰ খবৰবোৰ দেখি অলপ আচৰিত হৈছো৷ আমাৰ বিচ্ছেদৰ খবৰ ভুৱা৷ এনে ভুৱা খবৰ কিয় বিয়পাই?’
উল্লেখ্য যে প্ৰিয়ংকা আৰু নিক দুজনেই দুই ভিন্ন সংস্কৃতিৰ মানুহ৷ প্ৰিয়ংকাই কয়, ‘আমি দুয়ো দুখন বেলেগ বেলেগ দেশৰ নাগৰিক৷ আমাৰ ধৰ্ম ভিন্ন, আমাৰ বয়সৰ ব্যৱধান আছে৷ ইয়াৰ বাবেই হয়তো মানুহে এইসমূহ কথা কয়৷ কিন্তু বিগত ৮ বছৰ ধৰি আমি খুবেই ভালকৈ আছো৷ ছমাহ চিনাকীৰ পাছত আমাৰ বিবাহ হৈছিল৷ তেওঁৰ সৈতে দেখা হোৱাৰ পাছতেই বুজিছিলো তেওঁ মোৰ বাবে সঠিক মানুহ৷ সেয়ে মই তেওঁৰ সৈতে বিয়া কৰাইছো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
