২০২৪ৰ অন্ত পৰাৰ দিশে, কোন শীৰ্ষ ৫ ভাৰত কন্যাই সমগ্ৰ বিশ্বতে নাম কৰিলে দেশৰ
২০২৪ চন অন্ত পৰাৰ দিশেষ মাজত আৰু মাথো কেইটামান দিন বাকি । তাৰ পাছতে আৰম্ভ হব আৰু এটা নতুন বছৰৰ। ২০২৫ চন। পাছে এই ২০২৪ চনটোৰ কি কি পালে কি কি হেৰুৱালে ভাৰতবৰ্ষই। সেই খতিয়ান বহীৰ তালিকাত ৫ গৰাকী ভাৰত কন্যাৰ নাম বিশেষ ভাৱে উল্লেখযোগ্য, যিয়ে সমগ্ৰ বিশ্বতে নাম কৰিছে ভাৰতৰ।
সেই ৫ গৰাকী কন্যা হৈছে-
মনু ভাকৰ-
পেৰিছ অলিম্পিক গেমছত ভাৰতৰ হৈ দুটাকৈ পদক জয় কৰি ইতিহাসৰ পাতত নাম কৰা মনু ভাকৰৰ নাম ২০২৪ চনেই নহয়, প্ৰতিটো বছৰেই মনত কৰা যাব। স্বাধীন ভাৰতৰ প্ৰথমগৰাকী ভাৰতীয় হিচাপে এখন অলিম্পকতে দুটাকৈ পদক জয় কৰা খেলুৱৈ হিচাপে নাম কৰে মনু ভাকৰে। ২২ বৰ্ষীয় মনুই ১০ মিটাৰ এয়াৰ পিষ্টলত ব্ৰঞ্জৰ পদক লাভ কৰাৰ লগতে একে সময়তে তেওঁৰ সংগী সৰবজোৎ সিঙৰ সৈতে ২৫ মিটাৰ এয়াৰ পিষ্টল খেলতো ব্ৰঞ্জৰ পদক লাভ কৰিছিল।
অৱনী লেখাৰা-
ভাৰতীয় ৰাইফল শ্বুটাৰ অৱনী লেখাৰাই ২০২৪ চনৰ পেৰালিম্পিক গেমছত স্বৰ্ণ পদক লাভ কৰি ইতিহাস ৰচনা কৰিছিল। ২০২৪ চনৰ পেৰিছ পেৰালিম্পিক গেমছত ১০ মিটাৰ এয়াৰ পিষ্টলত দুটা পদক লাভ কৰিছিল অৱনী লেখাৰাই। ইয়াত অভনীয়ে ব্ৰঞ্জৰ পদকও লাভ কৰে। একেখন ইভেণ্টতে দুটাকৈ পদক লাভ কৰা প্ৰথমগৰাকী পেৰালিম্পিক মহিলা খেলুৱৈ অভনী।
মোহনা সিং-
বায়ুসেনাৰ তেজছ যুদ্ধ বিমান উৰুৱাই যোৱা প্ৰথমগৰাকী মহিলা পাইলট হিচাপে ইতিহাস ৰচে স্কোয়াড্ৰন নেত্ৰী মোহনা সিঙে। গুজৰাটৰ নলিয়াত থকা ১৮ নং ফ্লাইং বুলেট স্কোয়াড্ৰনৰ দায়িত্ব অৰ্পণ কৰা হৈছে। যোধপুৰৰ ‘তৰং শক্তি’ অনুশীলনৰ অংশও আছিল মোহনা সিং, য’ত তিনিওজন সেনাৰ উপ-মুখ্যৰ সৈতে ঐতিহাসিক উৰণৰ অভিজ্ঞতা লাভ কৰিছিল।
সাধনা সক্সেনা –
২০২৪ চনৰ চলিত বৰ্ষত লেফটেনেণ্ট জেনেৰেল সাধনা সক্সেনা নায়ৰ চিকিৎসা সেৱাৰ সঞ্চালক প্ৰধান হিচাপে নিযুক্তি পোৱা প্ৰথমগৰাকী মহিলা হিচাপে পৰিগণিত হয়। সাধাৰণ চিকিৎসালয় সেৱা (সশস্ত্ৰ বাহিনী)ৰ সঞ্চালিকা হিচাপে কাৰ্যনিৰ্বাহ কৰা প্ৰথমগৰাকী মহিলা আৰু লগতে পশ্চিম বায়ু কমাণ্ডৰ প্ৰধান চিকিৎসা বিষয়া হিচাপে কাৰ্যনিৰ্বাহ কৰা প্ৰথমগৰাকী মহিলা।
নেন্সী ত্যাগী-
উত্তৰ প্ৰদেশৰ এখন পিছপৰা গাঁৱৰ পৰা ওলাই একেবাৰে ৭৭ সংখ্যক কাঁন চলচ্চিত্ৰ মহোৎসৱৰ ৰেড কাৰ্পেটত নিজে ডিজাইন কৰা সাজেৰে খোজ দিছিল নেন্সীয়ে। কতো কোনোদিনে ডিজাইনৰ কাম নিশিকি, নিজে নিজৰ হাত মেছিনেৰে কাপোৰ চিলাই জনপ্ৰিয় হৈ পৰাৰ লগতে কাঁন চলচ্চিত্ৰ মহোৎসৱত প্ৰথমবাৰৰ বাবে খোজ দি সমগ্ৰ বিশ্বতে আলোড়নৰ সৃষ্টি কৰিছিল। নেন্সীৰ প্ৰতিসাজ কাপোৰেই দৃষ্টি কাঢ়িছিল বিশ্বৰ আগশাৰীৰ ডিজাইনাৰৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
