অসম লাইভ২৪ঃ লিভাৰ শৰীৰৰ গুৰুত্বপূৰ্ণ অংগ। লিভাৰেই খাদ্য, হজম, মলমূত্ৰকে ধৰি শৰীৰৰ পৰা অলাগতীয়াল পদাৰ্থ বহিষ্কাৰ কৰালৈকে সকলো কামেই কৰে। সাধাৰণতে আমাৰ ধাৰণা এলকহল সেৱন কৰিলেহে লিভাৰ নষ্ট হয়। কিন্তু আমি প্ৰতিদিনেই এনে কিছু কাৰ্য কৰো যিয়ে ধীৰে ধীৰে আমাৰ লিভাৰ নষ্ট কৰি আনে।
লিভাৰ দুৰ্বল হৈ অহাৰ লক্ষণবোৰ কেনেকৈ ধৰা পেলাব?
লিভাৰ দুৰ্বল হৈ অহাৰ লগে লগেই ভিন্ন লক্ষণে দেখা দিয়ে। লক্ষণসমূহৰ ভিতৰত, শৰীৰ দুৰ্বল লগা, ভোক নলগা, বমি, নিদ্ৰাহীনতা, ক্লান্তিবোধ, দ্ৰুতভাৱে শৰীৰৰ ওজন বাঢ়ি যোৱা আৰু লিভাৰ ফুলি উঠা আদি লক্ষণে দেকা দিয়ে। বিশ্ব স্ব্যস্থ্য সংস্থাৰ মতে, লিভাৰৰ ৰোগ আমাৰ দেশৰ মৃত্যুৰ দশম এক কাৰণ। প্ৰতিবছৰে ১০ লাখ ভাৰতীয় লোকে লিভাৰ ছিৰছিচত আক্ৰান্ত হয়। সমগ্ৰ বিশ্বত মৃত্যুৰ অন্য এটা কাৰক লিভাৰ ছিৰচিচ। কেনেকৈ লিভাৰ ছিৰচিচৰ পৰা কেনেকৈ হাত সাৰিব?
পৰ্যাপ্ত পৰিমানে পানী খাওক
স্বাস্থ্য বিশেষজ্ঞই দিয়া পৰামৰ্শ অনুসৰি প্ৰতিদিনে অতি কমেও ২ লিটাৰ পানী খাব লাগে। পিয়াহ লাগক বা নালাগক ঘনে ঘনে পানী খাই থকাটো অত্যন্ত জৰুৰী। পানীয়ে লিভাৰ ভালে ৰখাত সহায় কৰে।
টোপনি ক্ষতি নকৰিব
টোপনি ক্ষতি কৰিলে লিভাৰত অক্সিডেটিভ ষ্ট্ৰেছ বাঢ়ে। সমীক্ষাত প্ৰকাশ পোৱা অনুযায়ী নিদ্ৰাহীনতাত ভোগা ব্যক্তিৰ ডায়বেটিছ, স্থূলতা, হৃদৰোগ ইত্যাদিকে ধৰি বহুকেইটা গুৰুত্বপূৰ্ণ সমস্যাত ভোগাৰ সম্ভাৱনা বাঢ়ি যায়।
ধূমপানৰ অভ্যাস এৰক
চিগাৰেট সেৱনৰ অভ্যাসে পৰোক্ষভাৱে লিভাৰক ক্ষতিগ্ৰস্থ কৰে। চিগাৰেটৰ ধোঁৱাত থকা বিষাক্ত ৰাসায়নিকসমূহে লিভাৰত অক্সিডেটিভ ষ্ট্ৰেছ সৃষ্টি কৰে। ফলস্বৰূপে লিভাৰৰ কোষসমূহৰ ক্ষতি হয়।
খাদ্যতালিকাত চেনীৰ পৰিমান কমোৱা
প্ৰধান সমস্যা হৈছে ফ্ৰুক্টজ, ফ্ৰুক্টজ ৰুটি, আইছক্ৰিম, জুছ, চডা আদিও থাকে। যদিও মানৱদেহত বেছিভাগ কোষেই গ্লুকজৰ বিপাক কৰিব পাৰে, কেৱল লিভাৰৰ কোষসমূহকে ফ্ৰুক্টজে পৰিচালনা কৰে। যদি এজন ব্যক্তিয়ে সময়ৰ সৈতে ফ্ৰুক্টজ গ্ৰহণৰ মাত্ৰা বঢ়াইয়ে থাকে তেন্তে লিভাৰ নষ্ট হোৱাৰ আশংকা বাঢ়ি যায়।
অসুৰক্ষিত যৌন সম্ভোগ
যৌন সম্ভোগৰ জৰিয়তে বহু ৰোগ এজনৰ পৰা আন এজনৰ শৰীৰলৈ বিয়পে। লিভাৰৰ ৰোগো তেনেদৰে এজন ব্যক্তিৰ পৰা আন এজন ব্যক্তিৰ শৰীৰলৈ যাব পাৰে। এজন হেপাটাইটিছ আক্ৰান্ত ব্যক্তিৰে যৌন মিলন হ’লে আনগৰাকীও হেপাটাইটিত আক্ৰান্ত হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
