অষ্টম দৰমহা আয়োগৰ পৰামৰ্শ আৰু নতুন দৰমহা কাঠামো কেতিয়াৰ পৰা কাৰ্যকৰী হ’ব, সেই বিষয়টোক লৈ কেন্দ্ৰীয় চৰকাৰৰ লাখ লাখ কৰ্মচাৰীৰ মাজত যথেষ্ট আগ্ৰহ দেখা গৈছে। বিশেষকৈ আয়োগৰ প্ৰতিবেদন দাখিলত যদি সময় লাগে আৰু নতুন দৰমহা পিছত কাৰ্যকৰী কৰা হয়, তেন্তে পূৰ্বৰ তাৰিখৰ পৰা বকেয়া ধন লাভ কৰাৰ সম্ভাৱনা থাকিব পাৰে। অৱশ্যে বকেয়াৰ প্ৰকৃত পৰিমাণ এতিয়াই নিশ্চিত নহয়। ই মূলতঃ চূড়ান্ত ফিটমেণ্ট ফেক্টৰ, সংশোধিত বেচিক পে আৰু চৰকাৰৰ সিদ্ধান্তৰ ওপৰত নিৰ্ভৰ কৰিব।
২০২৫ চনৰ নৱেম্বৰ মাহত জাৰি কৰা টাৰ্মছ অব ৰেফাৰেন্স অনুসৰি অষ্টম দৰমহা আয়োগক প্ৰতিবেদন দাখিল কৰিবলৈ ১৮ মাহৰ সময় দিয়া হৈছে। সেই হিচাপত আয়োগৰ প্ৰতিবেদন দাখিলৰ সময়সীমা প্ৰায় ২০২৭ চনৰ মে’ মাহত পৰিব পাৰে। অৱশ্যে প্ৰয়োজন হ’লে আয়োগে সময় বৃদ্ধিৰ আবেদন কৰিব পাৰে। বিভিন্ন আলোচনাৰ ভিত্তিত ২০২৭ চনৰ মাৰ্চৰ পৰা আগষ্টৰ ভিতৰত প্ৰতিবেদন দাখিল হোৱাৰ সম্ভাৱনাৰ কথাও কোৱা হৈছে। যদি নতুন দৰমহা ২০২৬ চনৰ ১ জানুৱাৰীৰ পৰা কাৰ্যকৰী বুলি ধৰা হয়, কিন্তু বাস্তৱত নতুন দৰমহা পিছত প্ৰদান কৰা হয়, তেন্তে মাজৰ সময়ছোৱাৰ দৰমহাৰ পাৰ্থক্য বকেয়া হিচাপে দিয়াৰ সম্ভাৱনা থাকিব পাৰে। কিন্তু এই বিষয়ত এতিয়াও চূড়ান্ত চৰকাৰী সিদ্ধান্ত হোৱা নাই।
লেভেল অনুযায়ী সম্ভৱনাময় বকেয়াৰ পৰিমাণ
লেভেল ৬ৰ কৰ্মচাৰীৰ বৰ্তমানৰ ন্যূনতম বেচিক পে হৈছে ৩৫,৪০০টকা। যদি ফিটমেণ্ট ফেক্টৰ ২.১৫ ধৰা হয়, তেন্তে সংশোধিত বেচিক পে প্ৰায় ৭৬,১১০ টকা হ’ব পাৰে। এই হিচাপত—
২০ মাহৰ বকেয়া: প্ৰায় ৮.১৪ লাখ টকা।
২৪ মাহৰ বকেয়া: প্ৰায় ৯.৭৭ লাখ টকা।
আনহাতে, যদি ফিটমেণ্ট ফেক্টৰ ২.৫৭ হয়, তেন্তে—
২০ মাহৰ বকেয়া: প্ৰায় ১১.১২ লাখ টকা।
২৪ মাহৰ বকেয়া: প্ৰায় ১৩.৩৪ লাখ টকা। অৰ্থাৎ ফিটমেণ্ট ফেক্টৰ বেছি হ’লে সংশোধিত বেচিক পে’ও বেছি হ’ব আৰু সম্ভাৱ্য বকেয়াৰ পৰিমাণো বৃদ্ধি পাব।
লেভেল ৭ত ১৬.৯২ লাখ টকা পৰ্যন্ত বকেয়াৰ অনুমান কৰা হৈছে। লেভেল ৭ৰ বৰ্তমানৰ বেচিক পে হৈছে ৪৪,৯০০ টকা। যদি ফিটমেণ্ট ফেক্টৰ ২.১৫ ধৰা হয়, তেন্তে ২৪ মাহৰ বাবে আনুমানিক বকেয়া প্ৰায় ১২.৩৯ টকা লাখ হ’ব পাৰে। আনহাতে, ২.৫৭ ফিটমেণ্ট ফেক্টৰ ধৰা হ’লে ২৪ মাহৰ বকেয়া প্ৰায় ১৬.৯২ লাখ টকা হ’ব পাৰে। ইয়াৰ পৰা বুজিব পাৰি যে ফিটমেণ্ট ফেক্টৰ আৰু সংশোধিত বেচিক পে’ৰ ওপৰত বকেয়াৰ পৰিমাণ যথেষ্ট পৰিমাণে নিৰ্ভৰ কৰিব।
লেভেল ৮ৰ কৰ্মচাৰীয়ে প্ৰায় ১৮ লাখ টকা বকেয়া পাব পাৰে। লেভেল ৮ৰ কৰ্মচাৰীৰ বৰ্তমানৰ বেচিক পে ৪৭,৬০০ টকা বুলি ধৰা হৈছে। যদি ফিটমেণ্ট ফেক্টৰ ২.১৫ হয়, তেন্তে সংশোধিত বেচিক পে প্ৰায় ১,০২,৩৪০ টকা হ’ব পাৰে। এই হিচাপত—
২০ মাহৰ বকেয়া: প্ৰায় ১০.৯৫ লাখ টকা
২৪ মাহৰ বকেয়া: প্ৰায় ১৩.১৪ লাখ টকা। আনহাতে, ফিটমেণ্ট ফেক্টৰ ২.৫৭ হ’লে সংশোধিত বেচিক পে প্ৰায় ১,২২,৩৩২ টকা হ’ব পাৰে। তেনে ক্ষেত্ৰত—
২০ মাহৰ বকেয়া: প্ৰায় ১৪.৯৫ লাখ টকা।
২৪ মাহৰ বকেয়া: প্ৰায় ১৭.৯৪ লাখ টকা। অৰ্থাৎ এই অনুমান অনুসৰি লেভেল ৮ৰ এজন কৰ্মচাৰীৰ ২৪ মাহৰ বকেয়া প্ৰায় ১৮ লাখ টকাৰ ওচৰলৈ যাব পাৰে।
সকলো ভাট্টাৰ ওপৰত একেধৰণৰ বকেয়া নাথাকিব
ইয়াত এটা গুৰুত্বপূৰ্ণ কথা মনত ৰখা প্ৰয়োজন। ওপৰত উল্লেখ কৰা বকেয়াৰ হিচাপ মূলতঃ বেচিক পে’ৰ সম্ভাৱ্য বৃদ্ধিৰ ওপৰত ভিত্তি কৰি কৰা আনুমানিক গণনা। এইচ আৰ এ বা House Rent Allowance বেচিক পে’ৰ সৈতে জড়িত। সেয়েহে নতুন বেচিক পে কাৰ্যকৰী হ’লে এই ভাট্টাৰ পৰিমাণো সলনি হ’ব পাৰে। একেদৰে, ডি এ বা Dearness Allowance বছৰত দুবাৰকৈ পৰ্যালোচনা কৰা হয়। পৰিবহণ ভাট্টাৰ ক্ষেত্ৰতো ডি এৰ প্ৰভাৱ থাকে। সেয়েহে প্ৰতিটো ভাট্টাৰ ক্ষেত্ৰত একে পৰিমাণৰ বকেয়া পোৱা যাব বুলি ধৰি ল’ব নোৱাৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
