অসম লাইভ ২৪ঃ বেয়া খবৰৰ মাজতে এটা সুখবৰ। ৰাজধানী দিল্লীত কমিছে ক’ৰোনাত আক্ৰান্তৰ সংখ্যা। কিছুদিনৰ পূৰ্বে ৰাজধানী দিল্লীত ক’ৰোনা মহামাৰীয়ে লৈছিল ভয়ংকৰ ৰূপ। হাস্পতালত বেড বিচাৰি হাহাকাৰ লাগিছিল ক’ৰোনা আক্ৰান্তৰ। অক্সিজেনৰ অভাৱতো মৃত্যু হৈছিল অনেক লোকৰ। পিছে দিল্লী চৰকাৰে জাৰি কৰা লকডাউনত সুফল দেখিবলৈ পোৱা গ’ল ৰাজধানী চহৰখনত। এতিয়া দিল্লীৰ হাস্পতালত আছে পৰ্যাপ্ত পৰিমাণৰ অক্সিজেন, বেড। অৱশ্যে ৰাজ্যখনত এতিয়াও ক’ৰোনা ভেকচিনৰ অভাৱ শেষ হোৱা নাই। ৰাজ্যখনৰ উপ-মুখ্যমন্ত্ৰী মনীষ ছিছোদিয়াই কয় যে দিল্লীত ক’ৰোনা পজিটিভৰ হাৰ কমি ১৪ শতাংশ হৈছে। ক’ৰোনাৰ এই জটিল পৰিস্থিতিৰ মাজত দিল্লীৰ এই খবৰে সকলোলৈ আশাৰ সঞ্চাৰ কঢ়িয়াই আনিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
