অসম লাইভ ২৪ঃ শিৰোনামটো দেখি চাগৈ আপুনি ভাবিছে ঘটনাটো বা আকৌ কি? ঘটনাটো আমেৰিকাৰ। এক নৱ দম্পতীয়ে অতিথিক নিমন্ত্ৰণ জনালে ঘৰলৈ। আয়োজনো কৰিলে বেছ কিছু। বিধে বিধে ৰান্ধিলেও। ৰান্ধি-বাঢ়ি খুৱাই আপ্যায়নো কৰিলে। কিন্তু অতিথি আপ্যায়নৰ বাবে চেল্ফ কেটাৰিঙৰ ব্যৱস্থা। খুৱাই-বোৱাই লোৱাৰ পাছত পাত্ৰসমূহ নি ৰাখিলেগৈ পাকঘৰৰ বাচন ধুৱা ঠাইত। ইয়াৰ পাছতেই অতিথি কেইগৰাকীৰ ওচৰলৈ আহিল এজন ব্যক্তি। আহি তেওঁলোকক মাতি নিয়া হ’ল পাকঘৰলৈ। অতিথি কেইগৰাকীয়েও পিছে পিছে গ’ল লোকজনৰ। ব্যক্তিজনৰ পিছে পিছে গৈ অতিথি কেইগৰাকীয়ে পালে পাকঘৰ। পাকঘৰ পোৱাৰ পাছতেই ব্যক্তিজনে অতিথি কেইগৰাকীক ক’লে- যিয়ে যিয়ে খাইছিলে তেওঁলোকে নিজৰ বাচনবোৰ ধুই যাওক। সকলো হতবাক হ’ল। অতিথিসকলক যুক্তি দিয়া হ’ল যে এইটো চেল্ফ কেটাৰিঙ। খাই-বৈ নিজৰ বাচন নিজেই ধুৱাটোৱেই নিয়ম। নৱ দম্পতীয়ে খাবলৈ মাতি বাচন ধুৱাৰ এই ভয়ংকৰ অভিজ্ঞতাৰ কথা প্ৰকাশ কৰিছে ছ’চিয়েল মিডিয়াত অতিথি কেইগৰাকীৰ মাজৰ এগৰাকীয়ে। যি বৰ্তমান ছ’চিয়েল মিডিয়াত ভাইৰেল হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
