অসম লাইভ ২৪ঃ ছেপ্তেম্বৰ নহয়, আগষ্টৰ পৰাই আৰম্ভ হ’ব শিশুৰ কোভিড টীকাকৰণ। মঙলবাৰে এই কথা সদৰী কৰে কেন্দ্ৰীয় স্বাস্থ্যমন্ত্ৰী মনসুখ মাণ্ডব্যই। বিজেপিৰ সংসদীয় বৰ্ডৰ বৈঠকত উল্লেখ কৰে এই কথা। তেওঁ কয়, ‘আগষ্ট মাহৰ পৰা শিশুৰ কোভিড টীকাকৰণ অভিযান আৰম্ভ কৰিব পৰা যাব বুলি আশা কৰা হৈছে’। প্ৰথম পৰ্যায়ত কোভাক্সিন প্ৰদান কৰিব শিশুসকলক। পূৰ্বে এইমচৰ মুৰব্বী ৰণদ্বীপ গুলেৰিয়াই চেপ্তেম্বৰৰ পৰা টীকাকৰণ অভিযান আৰম্ভ হোৱাৰ কথা উল্লেখ কৰিছিল। সম্প্ৰতি দেশত কোভাক্সিনৰ সমান্তৰালকৈ অক্সফ’ৰ্ড আৰু ছিৰাম ইনষ্টিটিউটৰ যৌথ প্ৰচেষ্টাত তৈয়াৰী নোভাক্সিনৰ ক্লিনিকেল ট্ৰায়েল চলি আছে। ফাইজাৰ, বায়’এনটেক আৰু জাইড্যাচ কেডলাৰৰ তৈয়াৰী কোভিড ভেকচিনৰো পৰীক্ষণ প্ৰক্ৰিয়া চলি আছে দেশত। ভাৰত বায়’টেকে শিশুৰ বাবে কোভিড ভেকচিন প্ৰস্তুত কৰাৰ কথাও সদৰী কৰে। ২ বছৰৰ পৰা ১৭ বছৰ বয়সৰ শিশু তথা কিশোৰৰ ওপৰত এই পৰীক্ষণ চলি আছে বুলি দিল্লী উচ্চ ন্যায়ালয়ক জনায় ভাৰত চৰকাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
