অসম লাইভ ২৪ঃ ৰাজ্যসভাৰ নিৰ্বাচনৰ বাবে মনোনয়ন পত্ৰ দাখিল কেন্দ্ৰীয় মন্ত্ৰী সৰ্বানন্দ সোণোৱালৰ৷ আজি বিধানসভাৰ প্ৰধান সচিবৰ হাতত মনোনয়ন পত্ৰ দাখিল কৰে প্ৰাক্তন মুখ্যমন্ত্ৰীগৰাকীয়ে৷ মনোনয়ন পত্ৰ দাখিলৰ সময়ত তেওঁক সংগ দিয়ে মুখ্যমন্ত্ৰী ড০ হিমন্ত বিশ্ব শৰ্মা, ৰাজ্যিক বিজেপিৰ সভাপতি ভৱেশ কলিতাৰ লগতে বিধানসভাৰ অধ্যক্ষ বিশ্বজিৎ দৈমাৰী, মন্ত্ৰী অতুল বৰা আৰু কেইবাগৰাকী মন্ত্ৰী-বিধায়ক৷ ৪ অক্টোবৰত অনুষ্ঠিত হ’ব ৰাজ্যসভাৰ নিৰ্বাচন৷ একেদিনাই বিয়লিলৈ ঘোষণা হ’ব ফলাফল৷ ৰাজ্যসভাৰ এইখন আসনত বিৰোধীয়ে প্ৰদান নকৰে প্ৰাৰ্থী৷ গতিকে বিনা প্ৰতিদ্বন্দ্বিতাৰে প্ৰাক্তন মুখ্যমন্ত্ৰীগৰাকীৰ বিজয় নিশ্চিত৷ উল্লেখ্য, ২২ ছেপ্টেম্বৰত মনোনয়ন দাখিলৰ অন্তিম দিন ধাৰ্য্য কৰা হৈছে ২৩ ছেপ্টেম্বৰত মনোনয়ন পত্ৰৰ পৰীক্ষণ আৰু ২৭ ছেপ্টেম্বৰত মনোনয়ন প্ৰত্যাহাৰৰ অন্তিমটো দিন৷ ১৫ ছেপ্টেম্বৰত জাৰি কৰিব অধিসূচনা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
