অসম লাইভ ২৪ঃ হাস্পতালে হাস্পতালে ঘূৰি ফুৰিবলগা হ’ল এগৰাকী প্ৰসূতি। প্ৰসৱ বেদনাত ছটফটাই থকা মহিলাগৰাকীক লৈ এখন অট’ ঘূৰি ফুৰিল হাস্পতালে হাস্পতালে। ৩ খন চৰকাৰী হাস্পতাললৈ গৈয়ো চিকিৎসা নাপালে প্ৰসূতিগৰাকীয়ে। অৱশেষত এখন হাস্পতালৰ প্ৰৱেশ পথত অট’তেই এটি সন্তান জন্ম দিয়ে মহিলাগৰাকীয়ে। চিকিৎসাৰ অভাৱত জন্মৰ লগে লগেই মৃত্যু হয় শিশুটিৰ। এই ঘটনা সংঘটিত হৈছে বাংগালুৰুত। বাংগালুৰুৰ শ্ৰীৰামপুৰ চৰকাৰী হাস্পতাল, ভিক্ট’ৰীয়া হাস্পতাল আৰু কে চি জেনেৰেল হাস্পতাললৈ গৈয়ো চিকিৎসা নাপালে মহিলাগৰাকীয়ে। কে চি জেনেৰেল হাস্পতালৰ বাহিৰত অট’খনতেই প্ৰসৱ কৰিলে মহিলাগৰাকীয়ে। এতিয়া তিনিওখন হাস্পতালে আত্মপক্ষ সমৰ্থনত বাৰেবিংকৰা যুক্তি দাঙি ধৰিছে। এয়াই দেশৰ স্বাস্থ্যখণ্ডৰ উন্নয়ন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
