অসম লাইভ ২৪ঃ যেতিয়া আপুনি কাৰোবাক আপোনাৰ নিজৰ বুলি ভাৱে আৰু তেওঁ যদি আপোনাৰ এটা ত্ৰুটিৰ বিষয়ে ঠাট্টা কৰে, তেতিয়া সেই ত্ৰুটিটো ভুল বুলি প্ৰমাণ কৰাটো জীৱনৰ এক লক্ষ্য হৈ পৰে। একে ধৰণৰ কাহিনী আমেৰিকান মডেল আৰু বৰ্তমানৰ ব্যৱসায়ী মহিলা কাইলি জেনাৰৰ সৈতে সম্পৰ্কিত। প্ৰেমিকৰ এটা মন্তব্যৰ বাবেই মাত্ৰ ১৯ বছৰতেই কাইলি জেনাৰে আৰম্ভ কৰিছিল ‘লিপ কিট’ নামৰ এটা প্ৰসাধন কোম্পানী৷ আজি সেই কোম্পানীটোৰ বাবেই ইমান কম বয়সতে কাইলি জেনাৰ হৈ পৰিল কোটিপতি।
এতিয়া আপুনি হয়তো ভাৱিছে প্ৰেমিকে তাইক কি এনে কথা ক’লে যাৰ বাবে তাই সেই কোম্পানীটো আৰম্ভ কৰিছে৷ কও শুনক, কাইলি জেনাৰে ২৪ বছৰ বয়সত টিভি অনুষ্ঠান ‘কিপিং আপ উইথ দা কাৰ্দাচিয়ানছ’ত কৈছে তাই ১৯ বছৰতেই নিজৰ ওঁঠখনক লৈ নিৰাপত্তাহীনতাত ভুগিছিল৷ তাৰ পাছৰে পৰা মেকআপ কৰিবলৈ আৰম্ভ কৰিছিল কাইলিয়ে।
এদিন প্ৰেমিকে তাইক এগৰাকী ভাল চুম্বনকাৰী বুলি কোৱাৰ পিছত এক বিশেষ মন্তব্য কৰিছিল৷ প্ৰেমিকে কৈছিল তাইৰ ওঁঠ দুখন যথেষ্ট সৰু। তেতিয়া কাইলিয়ে অনুভৱ কৰিছিল যে তাই চুম্বন কৰাৰ যোগ্য নহয়। তাৰ লগে লগেই কাইলিয়ে ওঁঠ ফিলাৰৰ বাবে পৰীক্ষা-নিৰীক্ষা আৰম্ভ কৰিছিল। পাছত তাই ‘লিপ কিট’ নামৰ প্ৰসাধন কোম্পানীটো আৰম্ভ কৰিলে৷ লাহে লাহে কোম্পানীটো জনপ্ৰিয় হৈ পৰাত ইয়াক ‘কাইলি কচমেটিকছ’ নাম দিছে। এই ব্যৱসায়টোৰ কাৰণেই আজি কাইলি এগৰাকী কোটিপতি মহিলা। তেওঁ মেকআপ ব্ৰেণ্ড এতিয়া সমগ্ৰ বিশ্বতেই পৰিচিত। কাইলি জেনাৰ বৰ্তমান দ্বিতীয়বাৰৰ বাবে গৰ্ভৱতী।
ভাৱকছোন প্ৰেমিকৰ এটা কথাই ক’ৰ পৰা ক’লৈ লৈ গ’ল কাইলি জেনাৰক৷ এতিয়া হলিউডৰ কাৰ্দাচিয়ান চিষ্টাৰ্ছৰ আটাইতকৈ চৰ্চিত মডেল হৈছে কাইলি জেনাৰ৷ সামাজিক মাধ্যমৰ একাউণ্টত নিজৰ যথেষ্ট আকৰ্ষণীয় ফটো আৰু ভিডিঅ’ শ্বেয়াৰ কৰি থাকে কাইলিয়ে। সেই ফটো আৰু ভিডিঅ’বোৰ সমগ্ৰ বিশ্বৰ অনুৰাগীসকলে ভাল পায়। কিন্তু এটা সময় আছিল যেতিয়া কাইলিৰ ওঁঠ সৰু আছিল আৰু তাইৰ প্ৰেমিকে ইয়াক উপহাস কৰিছিল। সেইগৰাকী কাইলি এতিয়া ইনষ্টাগ্ৰামত ৩০ কোটি ফলোৱাৰৰে অভিলেখ সৃষ্টি কৰা প্ৰথমগৰাকী মহিলা।
এইক্ষেত্ৰত তেওঁ পপ তাৰকা আৰিয়ানা গ্ৰন্দকো অতিক্ৰম কৰিছে। ইয়াৰ পূৰ্বে আৰিয়ানাই আছিল ইনষ্টাগ্ৰামত সৰ্বাধিক জনপ্ৰিয় নাৰী। তেওঁৰ একাউন্টত বৰ্তমান ফলোৱাৰৰ সংখ্যা হৈছে ২৮ কোটি ৯০ লাখ। কিন্তু তাতকৈও এতিয়া আগত কাইলি জেনাৰ৷ এতিয়া কওক এটা চুমাই তেওঁক কোটিপটি বনালে নে নাই?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
