সকলোৱে জানে যে শৰীৰ আৰু পেশী শক্তিশালী কৰিবলৈ শাৰীৰিক ব্যায়ামৰ কোনো বিকল্প নাই। কিন্তু কেতিয়াবা দেখা যায় যে সময়ৰ অভাৱ বা অলসতাৰ বাবে বহুলোকে নিয়মীয়াকৈ ব্যায়াম কৰিব নোৱাৰে। কিন্তু আপুনি জানেনে, মাত্ৰ তিনি ছেকেণ্ডৰ ব্যায়ামে পেশীৰ ক্ষমতা আৰু আকাৰ বৃদ্ধি কৰিব পাৰে!
জাপানৰ এখন বিশ্ববিদ্যালয়ৰ গৱেষকৰ এটা দলে শেহতীয়াকৈ কৰা এক অধ্যয়ন অনুসৰি এজন ব্যক্তিয়ে দিনত কমেও তিনি ছেকেণ্ডৰ বাবে কৰা শাৰীৰিক ব্যায়ামেৰে পেশি শক্তিশালী আৰু বৃদ্ধি কৰিব পাৰি৷
অধ্যয়নটোৰ মতে সেই ব্যায়ামৰ দ্বাৰা পেশীৰ শক্তি আৰু আকাৰ এমাহৰ পিছত প্ৰায় ১২ শতাংশ বৃদ্ধি কৰিব পাৰি। গৱেষকসকলে ৩৯ জন লোকৰ ওপৰত এই পৰীক্ষা চলাইছিল৷ তেওঁলোকে দিনত তিনি ছেকেণ্ড সময় ব্যায়াম কৰি হাতৰ বাইচেপ শক্তিশালী আৰু আকাৰ বৃদ্ধি কৰিবলৈ সক্ষম হৈছিল।
লগতে পঢ়ক আধুনিকতাৰ দিশে আৰৱ বিশ্ব! ’সুৰা, জুৱা, গাহৰি মাংসও উপলব্ধ হ’ব চৌদি আৰৱত’
গৱেষকসকলে বিভিন্ন সময়ত বিভিন্ন স্থানত শৰীৰ চৰ্চাৰ ওপৰত গৱেষণা কৰে। কিন্তু বেছিভাগ ক্ষেত্ৰত, ই দীঘলীয়া আৰু নিয়মীয়া অনুশীলনৰ ওপৰত নিৰ্ভৰ কৰে। এই প্ৰকাৰৰ তাৎক্ষণিক বা হ্ৰস্বম্যাদী ব্যায়ামৰ ওপৰত গৱেষণা আগতে কৰা হোৱা নাই।
গৱেষকসকলে এই পৰীক্ষাত ব্যৱহাৰ কৰা সঁজুলিটোক ‘আইচোকাইনেটিক ডায়নামোমিটাৰ’ বুলি কোৱা হয়। এই সঁজুলিটোৰ সহায়ত পেশীবোৰ যিমান সম্ভৱ চেপি বঢ়াব পাৰি। অৱশ্যে, গৱেষকসকলে দাবী কৰে যে সাধাৰণ ডাম্বেল ব্যৱহাৰ কৰিলেও একে ফলাফল পোৱা যাব।
অধ্যয়নটোৰ ফলাফল অনুসৰি, অংশগ্ৰহণকাৰীসকলৰ মাজত, যিসকলে দৈনিক তিনি ছেকেণ্ডৰ বাবে সকলো শক্তিৰে বাইচেপৰ পেশী সংকুচিত কৰিছিল, তেওঁলোকৰ বেচ শক্তি এমাহৰ পিছত ছয়ৰ পৰা সাত শতাংশ বৃদ্ধি হৈছিল। আনহাতে, যিসকলে সৰ্বাধিক সম্প্ৰসাৰণ কৰিছিল তেওঁলোকৰ শক্তি প্ৰায় ১২ শতাংশ বৃদ্ধি পাইছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
