অ’পাৰেশ্যন গংগাৰ অধীনত ইউক্ৰেইনত আৱদ্ধ শিক্ষাৰ্থীসকলক উদ্ধাৰ অভিযান কৰিছে ভাৰত চৰকাৰে৷ কেন্দ্ৰীয় মন্ত্ৰী কিষাণ ৰেড্ডীয়ে অ’পাৰেশ্যন গংগাৰ অধীনত ভাৰতত উপস্থিত হোৱা শিক্ষাৰ্থীসকলক ফুলৰ থোপাৰে আদৰিবলৈ দিল্লীৰ আন্তঃৰাষ্ট্ৰীয় বিমান বন্দৰত উপস্থিত হৈ একপ্ৰকাৰে অপমানেই পালে৷
প্ৰতিগৰাকী শিক্ষাৰ্থীগৰাকীকে কেন্দ্ৰীয় মন্ত্ৰীগৰাকীয়ে ফুলৰ থোপা আগবঢ়াই আদৰণি জনাবলৈ বিমান বন্দৰত উপস্থিত হৈ চৰমভাৱে অপমানিত হোৱাৰহে পৰিলক্ষিত হ’ল৷
কোনো এজন শিক্ষাৰ্থীয়ে কেন্দ্ৰীয় মন্ত্ৰীগৰাকীৰ আদৰণি জনাই আগবঢ়োৱা ফুলৰ থোপা গ্ৰহণ নকৰিলে৷ ফুলৰ থোপা সংগ্ৰহ কৰাটো বাদেই কিছুমান শিক্ষাৰ্থীয়ে কেন্দ্ৰীয় মন্ত্ৰীগৰাকীৰ ফালে মুখেই নকৰিলে৷
লগতে পঢ়ক ভাৰতবাসীৰ বাবে স্বস্তি! যুদ্ধবিধ্বস্ত চুমীত আৱদ্ধ ৭শ ভাৰতীয় শিক্ষাৰ্থীক উদ্ধাৰ
ইয়াৰ মাজতে এজন শিক্ষাৰ্থীয়ে কেন্দ্ৰীয় মন্ত্ৰীগৰাকীক আপুনি ভাৰত চৰকাৰৰ প্ৰতিনিধি নেকি বুলি কোৱা শুনা যায়৷ কেন্দ্ৰীয় মন্ত্ৰী ৰেড্ডীয়ে হয় বুলি কোৱাৰ পিছতে শিক্ষাৰ্থীগৰাকীয়ে ফুলৰ থোপা নালাগে বুলি প্ৰত্যুত্তৰ দিয়ে৷
এই ভিডিঅ’ ভাইৰেল হোৱাৰ পিছতে এতিয়া সামাজিক মাধ্যমত তীব্ৰ চৰ্চা লাভ কৰিছে৷ চৰকাৰৰ সমৰ্থক পক্ষই শিক্ষাৰ্থীসকলৰ এই আচৰণক হাজাৰ বছৰীয়া ভাৰতীয় সভ্যতা সংস্কৃতিৰ পৰিপন্থী বুলি আখ্যা দিছে৷
আনহাতে, চৰকাৰৰ বিৰোধীসকলৰ মতে নিজৰ দায়িত্ব পালন কৰাতকৈ আত্মপ্ৰচাৰৰ গুৰুত্ব দিবলৈ যোৱা কেন্দ্ৰীয় চৰকাৰৰ এই কাণ্ডক শিক্ষাৰ্থীসকলে উচিত প্ৰত্যুত্তৰ দিয়া বুলিহে ক’ব খুজিছে৷
লগতে পঢ়ক ৰাছিয়াই প্ৰকাশ কৰিছে শত্ৰু ৰাষ্ট্ৰৰ তালিকা! কোন কোন ৰাষ্ট্ৰ আছে এই তালিকাত?
উল্লেখ্য যে অপাৰশ্যেন গংগাৰ অধীনত যুদ্ধবিধ্বস্ত ইউক্ৰেইনত আৱদ্ধ শিক্ষাৰ্থীসকলক ভাৰত চৰকাৰে উদ্ধাৰ কৰিলেও প্ৰথমাৱস্থাতা বিশেষ পদক্ষেপ লোৱা নাছিল, যাৰ ফলত দুগৰাকী শিক্ষাৰ্থীৰ মৃত্যু হোৱাৰ লগতে এগৰাকী শিক্ষাৰ্থী গুলীবিদ্ধ হ’লগীয়া হয়৷
আনহাতে বহু আৱদ্ধ শিক্ষাৰ্থীয়ে খাদ্য আৰু পানীৰ অভাৱত পৰি দিন পাৰ কৰাৰ ভিডিঅ’ ভাইৰেল ভাইৰেল কৰিছিল৷ আনকি ইউক্ৰেইনস্থিত ভাৰতীয় দূতাবাসে শিক্ষাৰ্থীসকলৰ প্ৰতি দায়িত্বহীনতাৰ পৰিচয় দিয়া বুলিও বহু অভিযোগ উত্থাপন হৈছিল৷ এইবোৰ কথাতে ক্ষুব্ধ হৈ শিক্ষাৰ্থীসকলে কেন্দ্ৰীয় চৰকাৰৰ আত্মপ্ৰচাৰৰ কৌশলত ভৰি নিদিয়া বুলিও বহুতে ক’ব খোজে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
