আপোনাৰ বেংকৰ একাউণ্টত এটকাও নাই নেকি? যদিও এটকাও নাই তথাপিও আপুনি একাউণ্টৰ পৰা ১০ হাজাৰ টকা উলিয়াব পাৰিব৷ কিন্তু কেনেকৈ?
ইয়াৰ বাবে আপুনি প্ৰধানমন্ত্ৰী জন ধন একাউণ্ট এটা খুলিব লাগিব৷ উল্লেখ্য যে প্ৰধানমন্ত্ৰী জন ধন যোজনাৰ অধীনত এতিয়া শূন্য বেলেঞ্চত থকা বেংক একাউণ্টৰ সংখ্যাই ৪১ কোটি অতিক্ৰম কৰিছে। ইয়াৰ অধীনত খোলা একাউণ্টত একাউণ্টধাৰীয়ে বহুতো সুবিধা লাভ কৰে।
এই একাউণ্টৰ অধীনত আপোনাৰ একাউণ্টত বেলেঞ্চ নাথাকিলেও ১০ হাজাৰ টকা পৰ্যন্ত উলিয়াব পাৰিব। ইয়াৰ উপৰিও ৰূপায়ে ডেবিট কাৰ্ডৰ সুবিধা প্ৰদান কৰা হৈছে, যাৰ জৰিয়তে আপুনি একাউণ্টৰ পৰা ধন উলিয়াব পাৰিব আৰু সামগ্ৰীও ক্ৰয়ো কৰিব পাৰিব।
লগতে পঢ়ক ১ লাখ বিনিয়োগেৰে ৫০ লাখ টকা উপাৰ্জন! কেনেকৈ সম্ভৱ হ’ল এয়া?
মন কৰিবলগীয়া যে ২০১৪ চনত প্ৰধানমন্ত্ৰী নৰেন্দ্ৰ মোদীয়ে স্বাধীনতা দিৱসৰ ভাষণত জন ধন যোজনা আৰম্ভ কৰাৰ কথা ঘোষণা কৰিছিল। সেই বৰ্ষৰে ২৮ আগষ্টৰ পৰা আৰম্ভ হৈছিল এই আঁচনি। চৰকাৰে ২০১৮ চনত অধিক বৈশিষ্ট্য আৰু সুবিধাসহ এই আঁচনিৰ দ্বিতীয় সংস্কৰণ মুকলি কৰিছিল।
কেন্দ্ৰীয় বৃত্ত মন্ত্ৰালয়ৰ মতে, ২০১৫ চনৰ পৰা শূন্য বেলেঞ্চ থকা একাউণ্টৰ সংখ্যা ক্ৰমাগতভাৱে হ্ৰাস পাইছে। ২০১৫ চনৰ মাৰ্চ মাহত ৫৮% শূণ্য বেলেঞ্চ থকা একাউণ্ট আছিল, যিটো এতিয়া ৭%ৰ ওচৰ চাপিছে। অৰ্থাৎ এতিয়া মানুহেও তাত টকা জমা কৰা হৈছে।
লগতে পঢ়ক অম্বুবাচী হিন্দুধৰ্মৰ এক বছৰেকীয়া উৎসৱ, কিমান দিন থাকে অম্বুবাচীৰ স্থিতি?
এই একাউণ্টত কি কি সুবিধা উপলব্ধ?
১. জন ধন যোজনাৰ অধীনত ১০ বছৰৰ তলৰ শিশুৰ একাউণ্টো খুলিব পাৰিব।
২. এই আঁচনিৰ অধীনত একাউণ্ট খুলিলে RuPay ATM কাৰ্ড, দুৰ্ঘটনা বীমা কভাৰ ২ লাখ টকা, লাইফ কভাৰ ৩০ হাজাৰ টকা আৰু জমা ধনৰ সুত পাব।
৩. ইয়াৰ ওপৰি ১০ হাজাৰৰ অভাৰড্ৰাফ্টৰ সুবিধাও লাভ কৰিব।
৪. এই একাউণ্টটো যিকোনো বেংকত খুলিব পাৰি।
লগতে পঢ়ক ‘তাজমহলৰ সৌন্দৰ্যৰ আঁৰত প্লাষ্টিক প্ৰদূষণ’, মণিপুৰী কিশোৰীৰ টুইটৰ পাছতে দেশত হাহাকাৰ
৫. ইয়াত ন্যূনতম বেলেঞ্চ ৰক্ষা কৰিব নালাগে৷
জন ধন একাউণ্ট খুলিবলৈ আধাৰ কাৰ্ড, পাছপ’ৰ্ট, ড্ৰাইভিং লাইচেন্সকে ধৰি KYCৰ প্ৰয়োজনীয়তা পূৰণ কৰা নথি-পত্ৰও জমা দিব লাগে। এইবোৰ নথি-পত্ৰ নাথাকিলে সৰু একাউণ্ট খুলিব পাৰিব। ইয়াৰ বাবে স্ব-প্ৰমাণিত ফটোখন আৰু বেংক বিষয়াৰ সন্মুখত স্বাক্ষৰ পূৰণ কৰিব লাগিব। জন ধন একাউণ্ট খুলিবলৈ কোনো ধৰণৰ মাচুল বা চাৰ্জ দিব নালাগে। ১০ বছৰ বা তাতকৈ অধিক বয়সৰ যিকোনো ব্যক্তিয়ে এই একাউণ্ট খুলিব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
