অসম লাইভ২৪ঃ কাৰ টোপনি বেছি পুৰুষ নে মহিলাৰ? বহু সময়ত মহিলাসকলকেই টোপনি বেছি বুলি পুৰুষে দোষাৰোপ কৰে৷ কিন্তু কাৰ টোপনি বেছি সেই বিষয়টোক লৈ গৱেষণা কৰি বিজ্ঞানে দাঙি ধৰিছে তথ্য৷
পুৰুষেই হওক বা মহিলা নাৰী-পুৰুষ উভয়কে গড়ে ৭-৮ ঘণ্টা টোপনিৰ প্ৰয়োজন৷ ব্ৰিটেইনৰ নেশ্যনেল ইনষ্টিটিউট অৱ হেলথৰ এক সমীক্ষাত প্ৰকাশ পোৱা মতে মহিলাসকলক পুৰুষতকৈ টোপনিৰ প্ৰয়োজন বেছি৷ পুৰুষৰ তুলনাত নাৰীক কমেও ১১ ৰ পৰা ১৩ মিনিট বেছি সময় টোপনিৰ প্ৰয়োজন৷
আনহাতে ছচিয়েলজিকেল ৰিভিউত প্ৰকাশ পোৱা মতে মহিলাৰ ক্ষেত্ৰত বিষয়টো সুকীয়া৷ কিয়নো এগৰাকী মহিলাই পুৰুষতকৈ বেছি শাৰীৰিক কষ্ট কৰে৷ দৈনিক বহু বেছি শক্তি ক্ষয় হয়৷ সেয়ে নাৰীক পুৰুষতকৈ বেছি সময় টোপনিৰ প্ৰয়োজন৷ আনহাতে পুৰুষৰ তুলনাত নাৰীৰ ইনছমেনিয়াত আক্ৰান্ত হোৱাৰ সম্ভাৱনা পুৰুষতকৈ ৪০ শতাংশ বেছি৷ টোপনিৰ মাজতেই শ্বাসপ্ৰশ্বাসত কষ্ট পোৱাৰ সমস্যা বা স্লিপ এপেনিয়াত আক্ৰান্ত হোৱাৰ আশংকা মহিলাসকলৰেই বেছি৷ ইয়াৰোপৰি ঋতুচক্ৰ সংক্ৰান্তীয় হৰমনৰ সমস্যাৰ বাবেও মহিলাৰ টোপনি অস্বাভাৱিক হয়৷ বিজ্ঞানে দাবী কৰা মতে জৈৱিক কাৰণতো পুৰুষতকৈ মহিলাৰ টোপনিৰ প্ৰয়োজন বেছি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
