অসম লাইভ২৪ঃ এবছৰ আগৰ কথা। ২০২২ চনৰ জানুৱাৰী মাহত মাতৃ হৈছিল প্ৰিয়ংকা চোপ্ৰা। চেৰগেছিৰ মাধ্যমেৰে মাতৃ হৈছিল প্ৰিয়ংকা। নিক-প্ৰিয়ংকাৰ সন্তান মালতী মেৰি চোপ্ৰা জোনাছৰ জন্মৰ পাছতেই আৰম্ভ হৈছিল চৰ্চা। বহুতেই প্ৰিয়ংকাক কটাক্ষ কৰি কৈছিল চেৰগেছিৰ মাধ্যমেৰে মাতৃ হোৱাতকৈ মাতৃ নোহোৱাই ভাল। এই সমূহ কথাৰ উত্তৰ এবছৰৰ অন্তত প্ৰিয়ংকাই দিছে।
প্ৰিয়ংকাই মাতৃত্বৰ বিষয়ত মন্তব্যত কয়, ‘মোৰ বহুকেইটা শাৰীৰিক সমস্যা আছে। মাতৃ হোৱাৰ হেঁপাহ থাকিলেও জটিলতাই দেখা দিছিল। সেয়ে চোৰগেছিৰ জৰিয়তে মাতৃ হৈছিলো।মই ভাগ্যৱতী। আমাৰ সেই ক্ষমতা আছিল যে এটা গৰ্ভ আমি ভাড়াত ল’ব পাৰিছিলো। যিগৰকী নাৰীয়ে আমাৰ মালতীক জন্ম দিলে তেওঁৰ ওচৰত আমি চিৰকৃতজ্ঞ। আমাৰ প্ৰাণৰ টুকুৰাটোক ৯ মাহ সযত্নে ৰখাৰ বাবে তেওঁক আমি যিমান ধ্যবাদ জনালেও কমেই হয়।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
