বেংকতো সুৰক্ষিত নহয় ধন! বেংকৰ লকাৰতেই উঁইয়ে খালে লক্ষ লক্ষ ধন

অসম লাইভ২৪ঃ কষ্টোপাৰ্জিত ধন বেংকত ৰখাটো আমাৰ প্ৰত্যেকৰেই পুৰণি স্বভাৱ৷ বেংকত ধন সুৰক্ষিত বুলি প্ৰত্যেকজন ব্যক্তিৰেই সহজ ধাৰণা৷ পিছে এই ধাৰণাক মিছা প্ৰমাণিত কৰি সংঘটিত হৈছে অন্য এক ঘটনা৷ ৰাজস্থানৰ পাঞ্জাৱ নেশ্ব্যনেল বেংকত সংঘটিত ঘটনাই বেংকৰ সুৰক্ষাৰ দিশটোলৈকে প্ৰশ্ন আনিছে৷

সুনীতা মেহতা নামৰ এগৰাকী গ্ৰাহকৰ অভিযোগ অনুসৰি ৰাজস্থানৰ উদয়পুৰত পঞ্জাৱ নেশ্ব্যনেল বেংকত নিজা লকাৰ আছিল সুনীতাৰ৷ তাতেই নিজা কষ্টোপাৰ্জিত ২ লাখ ১৫ হাজাৰ টকা জমা থৈছিল সুনীতাই৷ কিন্তু লকাৰ খুলিয়েই মূৰে-কঁপালে হাত দিছে সুনীতাই৷ লকাৰৰ ভিতৰত অসংখ্য উঁইয়ে খাই পেলাইছে লকাৰৰ ভিতৰৰ সমস্ত ধন৷ কেৱল সুনীতাৰ ধনেই নহয় অন্য বহুকেইগৰাকী গ্ৰাহকৰ ধন খাই পেলাইছে উঁইয়ে৷ বেংকৰ প্ৰায় ২০-২৫ টা লকাৰৰ ধন খাই পেলাইছে উঁইয়ে৷

এই ঘটনাৰ পাছতেই প্ৰশ্ন উত্থাপিত হৈছে বেংক কৰ্তৃপক্ষৰ বিৰুদ্ধে৷ গ্ৰাহকৰ অভিযোগৰ পাছতেই আৰক্ষীয়ে বেংক কৰ্তৃপক্ষৰ বিৰুদ্ধে বিহিত ব্যৱস্থা গ্ৰহণ কৰিছে৷ ইতিমধ্যে বেংক মেনেজাৰক সোধপোছৰ বাবে থানালৈ মাতি পঠিয়াইছে আৰক্ষীয়ে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ