অসম লাইভ২৪ঃ বৰ্তমান দেশৰ অন্যতম জনপ্ৰিয় গায়কৰ ভিতৰত আছে অৰিজিৎ সিং৷ অৰিজিতৰ কণ্ঠৰ প্ৰেমত কোন নপৰে! অৰিজিতে আৰম্ভণিৰে পৰাই গানৰ ক্ষেত্ৰত খুবেই সংবেদনশীল৷ সকলোধৰণৰ গানত অৰিজিতে কাহানিও কণ্ঠদান নকৰে৷ বলীউডত অৰিজিতক বহুবাৰ উপেক্ষা কৰা হৈছে যদিও অৰিজিতৰ কণ্ঠক কোনোৱে উপেক্ষা কৰিব পৰা নাই৷ আৰ্থিক অনাটন কিন্তু অৰিজিতৰ সংগী আছিল বহুদিনৰ৷ কেতিয়াৰে পৰা আৰম্ভ হৈছিল আৰ্থিক সচ্ছলতাৰ দিনবোৰ সেই কথা সতকাই কোৱাটো টান যদিও প্ৰায় এক দশক অৰিজিৎ গানৰ জগতত ভোটাতৰা৷
এক সূত্ৰই প্ৰকাশ কৰামতে অৰিজিৎ সিঙে এটা গান কৰিবলৈ প্ৰায় ২২ ৰ পৰা ২৫ লাখ টকা লয়৷ বৰ্তমান সম্পত্তিৰ তালিকাৰে অৰিজিৎ সিং বলীউডৰ বহু সংগীতজ্ঞতকৈ আগবঢ়া৷ কেনবি লাইফ ষ্টাইলৰ ৰিপৰ্ট অনুসৰি মুঠ ৭১.০৫ কোটি টকাৰ মালিক অৰিজিৎ সিং৷ মাহত অৰিজিতৰ আয় ৪ ৰ পৰা ৫.৮ কোটি৷ অৰিজিৎ অন্য গায়কতকৈ খুব কমেইহে লাইভ কনছাৰ্ট কৰে৷ এটা কনছাৰ্ট বা শ্ব’ কৰিবলৈ অৰিজিতে লয় প্ৰায় ৫০ কোটি টকা৷ লাইভ কনছাৰ্টত সৰ্বাধিক ধন লোৱা গায়কৰ লিষ্টত ২৬ নম্বৰত আছে অৰিজিৎ সিং৷
উল্লেখ্য যে বৰ্তমান অৰিজিতৰ আয় বছৰী ৫০ কোটি টকা৷ ২০১৭ চন পৰ্যন্ত অৰিজিতৰ সম্পত্তিৰ পৰিমান আছিল প্ৰায় ৪৩.৩২ কোটি৷ বিলাস-বহল জীৱন যাপন কৰা নেদেখুৱালেও অৰিজিতৰ সম্পত্তি কিন্তু অন্য বহু গায়কতকৈ বেছি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
