শৰীৰত ভিটামিনৰ পৰিমান বাঢ়ি গ’লেও আক্ৰান্ত হ’ব এইকেইটা ৰোগত, কি কি ভিটামিনৰ পৰিমান বাঢ়িলে বিপদ হ’ব পাৰে?

অসম লাইভ২৪ঃ শৰীৰ গঠনত, ৰোগ প্ৰতিৰোধত ভিটামিনৰ ভূমিকা অনস্বীকাৰ্য৷ শৰীৰত ভিটামিনৰ পৰিমান কমি গ’লে যেনেদৰে সমস্যা হয় তেনেদৰে বাঢ়ি গ’লেও সমস্যাই দেখা দিয়ে৷ সেয়ে প্ৰত্যেকজন ব্যক্তিৰেই ভিটামিনৰ নূন্যতম জ্ঞান থকাটো প্ৰয়োজন৷
ভিটামিন A- চকু ভালে ৰখাত সহায় কৰে৷ দৃষ্টিশক্তি ভাল কৰে৷ ভিটামিন-A ৰ উৎস কণী, গাখীৰ, কোমোৰা, পালেং শাক, আম আদি৷

ভিটামিন B- ভিটামিন Bৰ মাজত আছে ভিটামিন B1, ভিটামিন B2, ভিটামিন B3, ভিটামিন B5, ভিটামিন B6, ভিটামিন B12, ভিটামিন B9৷
ভিটামিন B1ৰ অভাৱত বেৰিবেৰি ৰোগ, ভিটামিন B2ৰ অভাৱত ৰাইব্লোফ্লভিন হয়৷ ইয়াৰ অভাৱত শৰীৰত বিভিন্নস্থানত ঘা, ষ্টমাইচিছ, গ্লছাইটিছ আদি হয়৷ ভিটামিন B3ৰ অভাৱত নিয়াছিন অৰ্থাৎ একধৰণৰ পেটৰ ৰোগে দেখা দিয়ে৷ ভিটামিন B5ৰ অভাৱত পেণ্টোথেনিক এছিড কমি যায়, যাৰফলত ভৰিৰ তলুৱাত পোৰণি আৰম্ভ হয়৷ ভিটামিন B12ৰ অভাৱত এনিমিয়া, পেৰিফেৰাল নিউৰপেথি স্পাইনেল কৰ্ডৰ দৰে ৰোগে দেখা দিয়ে৷ আনহাতে ভিটামিন B9ৰ উৎস ফলিক এছিড৷ এই ভিটামিনৰ পৰিমান শৰীৰত কমি গ’লে এনিমিয়া, নিউৰমেথি, নাৰ্ভৰ সমস্যাই দেখা দিয়ে৷

ভিটামিনC- ভিটামিনC ৰ উৎস এচকৰবিক এছিড৷ শৰীৰৰ বাবে ই অত্যন্ত জৰুৰী৷ ইমিউনিটি তৈয়াৰ কৰাত ইয়াৰ ভূমিকা অপৰিহাৰ্য৷ কভিডকালত ইয়াৰ গুৰুত্ব ভালদৰে অনুভৱ কৰিছে বিশ্ববাসীয়ে৷ ভিটামিন Cৰ অভাৱত হাড়ৰ সমস্যাই দেখা দিয়ে৷ ভিটামিন C ৰ উৎস নেমু, বিলাহী, ষ্টবেৰী আদি৷

ভিটামিন D- ভিটামিন Dয়ে হাড় শক্তিশালী কৰাত সহায় কৰে৷ হাড় থুনুকা হৈ পৰাৰ সমস্যা ভিটামিন Dৰ অভাৱতেই হয়৷ সূৰ্যৰ ৰশ্মিৰ পৰা এই ভিটামিন D পোৱা যায়৷

ভিটামিনK- ইয়াৰ ফলত শৰীৰৰ বিভিন্ন স্থানত ব্লিডিং ডিজঅৰ্ডাৰে দেখা দিয়ে৷ ভিটামিনK ৰ উৎস বন্ধাকবি, কল আদি৷

ভিটামিনE- ভিটামিনE কমি গ’লে বন্ধাত্ব্যৰ সমস্যাই দেখা দিয়ে৷ ইয়াৰ উৎস সূৰ্যমুখী বীজ, বাদাম৷

শৰীৰত ভিটামিন বাঢ়ি গ’লে কি কি সমস্যা হয়?
ভিটামিন সাধাৰণতে দুইধৰণৰ হয়৷ পানীত দ্ৰৱণীয় আৰু স্নেহপদাৰ্থত দ্ৰৱণীয়৷ কিছুমান ভিটামিন অতিৰিক্ত পৰিমানে সেৱন কৰিলেও অসুবিধা নাই৷ কাৰণ অতিৰিক্তখিনি বৰ্জিত পদাৰ্থ হিচাপে প্ৰসাৱৰ জৰিয়কে শৰীৰে ওলিয়াই পঠিয়াই৷ শৰীৰত ভিটামিনA-ৰ পৰিমান বাঢ়ি গ’লে ছালত নানান অসুবিধাই দেখা দিয়ে৷ খোৱাত অনিহা, বমি বমি ভাৱ, হাত, ভৰিত বিষ আদি হ’ব পাৰে৷ শৰীৰত ভিটামিনDৰ পৰিমান বাঢ়ি গ’লে কিডনী ষ্ট’নৰ সমস্যাই দেখা দিয়ে৷ ডায়েৰিয়া, হাত-ভৰিত বিষ, দুৰ্বল ভাৱ আদিয়ে দেখা দিয়ে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ