অসম লাইভ২৪ঃ বয়সৰ সৈতে আমাৰ ছালত চাপ পৰাটো স্বাভাৱিক। নিজকে সদায়ে একে কৰি ৰখাটো কাৰোপক্ষে সম্ভৱ নহয়। কিন্তু বয়সৰ ছাপ মুখ আৰু ছালত পৰে। কিন্তু পৰিবৰ্তিত জলবায়ু, অতিৰিক্ত প্ৰদূষণে আমাৰ ছালত বেছিকৈয়ে প্ৰভাৱ পেলাই। কম বয়সতেই বহুতৰেই বাৰ্ধক্যৰ চাপ পৰে। কিন্তু কেইটামান বিশেষ উপায় অৱলম্বন কৰি অকাল বাৰ্ধক্য ৰোধ কৰিব পাৰি। কি কি কৰি অকাল বাৰ্ধক্য ৰোধ কৰিব পাৰি?
পৰ্যাপ্ত টোপনি
প্ৰতিদিনেই অন্তত ৭ৰ পৰা ৮ ঘণ্টা টোপনি যোৱাটো প্ৰয়োজন। নিশা ভালধৰণে টোপনি নহলেও সোনকালেই বাৰ্ধক্যৰ চাপ পৰে। টোপনিৰ সময়ত ছালৰ ৰক্তসঞ্চালন ভাল হয়। ফলত ছালৰ বালিৰেখাসমূহ আঁতৰি যায়। টোপনি কম হ’লে মানসিক চাপ আৰু উদ্বেগ বাঢ়ে। যাৰ ফলত কম বয়সতে বাৰ্ধক্যৰ চাপ পৰে।
স্বাস্থ্যকৰ খাদ্য
দৈনিক খাদ্য খোৱাৰ ক্ষেত্ৰত কেইটামান নীতি নিৰ্দেশনা মানি চলাটো খুবেই প্ৰয়োজন। খোৱা খাদ্যত এণ্টি অক্সিডেণ্টৰ পৰিমান বেছি থাকিলে ছাল ভালে থাকে। কাৰণ এণ্টি অক্সিডেণ্ট সমৃদ্ধ খাদ্যই অকাল বাৰ্ধক্যৰ সমস্যাক প্ৰতিহত কৰে। দৈনিক খাদ্যত পেপাৰ, ব্ৰকলি, গাজৰৰ দৰে খাদ্য খাব লাগে। দৈনিক বেদনা, ব্লুবেৰি জাতীয় ফলমূলো খাব পাৰে। দৈনিক একাপ গ্ৰীণ টি খাব পাৰে।
শৰীৰচৰ্চা
সুস্থ থাকিবলৈ শৰীৰচৰ্চাৰ বিকল্প একো নাই। ওজন কমোৱাৰ পৰা ৰোগ প্ৰতিৰোধ ক্ষমতা বঢ়োৱালৈকে সকলোতেই ব্যায়ামৰ ভূমিকা আছে। পুষ্টিবিদৰ পৰা আৰম্ভ কৰি চিকিৎসকলৈ সকলোৱেই এটা পৰামৰ্শই দিয়ে। দৈনিক শৰীৰচৰ্চা কৰাটো খুবেই প্ৰয়োজন। বয়সৰ চাপ কমোাৱাৰ লগতে শৰীৰ সুস্থ ৰখাটো সহায় কৰে।
অত্যাধিক ৰ’দত থাকিব নালাগে
ছালত বয়সৰ যদি পৰে তেন্তে ৰ’দত বেছিসময় থাকিব নালাগে। কামৰ বাবে বেছিসয়মত বাহিৰত থাকিলে ছাতি আৰু কলা চছমা পৰিধান কৰাটো খুবেই গুৰুত্বপূৰ্ণ। দীঘল হাতৰ কাপোৰ পৰিধান কৰিব। ছালস্ক্ৰিন লোচন লগোৱাটোও খুবেই গুৰুত্বপূৰ্ণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
