অসম লাইভ২৪ঃ ২০ জন বিধায়কৰ ঘৰত ১২২ টা AC, প্ৰত্যেকজন বিধায়কৰ কোঠাই কোঠাই ডেৰ টনৰ একো একোটা এচি৷ শেহতীয়াকৈ বিধানসভাৰ অধ্যক্ষ বিশ্বজিৎ দৈমাৰীয়ে জনতাক গৰমৰ বাবে গছৰ তলত থাকিবলৈ নিৰ্দেশ দিয়াৰ পাছতেই সামাজিক মাধ্যমত চৰ্চা চলিছিল৷ বহুজনে সামাজিক মাধ্যমত, গছৰ তলত বহি ফটো শ্বেয়াৰ কৰি বিশ্বজিৎ দৈমাৰীৰ টুলুঙা মন্তব্যৰ প্ৰতিবাদো কৰিছে৷
কিন্তু এইসমূহৰ মাজতেই শেহতীয়াকৈ পোহৰলৈ আহিছে বিধায়ক আৱাসৰ এটা ভিডিঅ’৷ ভিডিঅ’টোত দেখা গৈছে যে বিধায়ক আৱাসৰ প্ৰায় প্ৰত্যেকটো কোঠাতেই আছে এচি৷ ২০ জন বিধায়কে ব্যৱহাৰ কৰে ১২২ টা এচি৷ ইফালে জনতাক অধ্যক্ষই গৰমৰ বাবে গছৰ তলত থাকিবলৈ নিৰ্দেশ দিয়ে৷ বিধায়ক আৱাসৰ ২ টা বিল্ডিঙতেই আছে ১২২ টা এচি৷ এই ১২২ টা এচিৰ বিলো পৰিশোধ কৰিব নালাগে ৰজাঘৰীয়াই৷
উল্লেখ্য যে শেহতীয়াভাৱে মুখ্যমন্ত্ৰীয়েও কৈছে যে গুৱাহাটীৰ জনতাই বেছি পৰিমানে এচি ব্যৱহাৰ কৰাৰ বাবেহে বিদ্যুতৰ নাটনি হৈছে৷ অসমত বিদ্যুৎ উৎস নথকাৰ বাবে বাহিৰৰ পৰা বিদ্যুৎ ক্ৰয় কৰি ৰাজ্য চৰকাৰ আৰ্থিক লোকচানৰ সন্মুখীন হ’বলগীয়া হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
