অসম লাইভ২৪ঃ গাদাৰ-২ মুক্তিৰ পাছৰে পৰাই বলীউডত চৰ্চাৰ কেন্দ্ৰবিন্দু হৈ আছে ছানি দেওল। তেওঁৰ অভিনীত ছবি গাদাৰ-২য়ে বক্স অফিচত ব্যৱসায়ো কৰিছে। কিন্তু তাৰ মাজতেই শেহতীয়াকৈ ভাইৰেল হৈছে ছানি দেওলৰ আন এক খবৰহে। বেংক অৱ বৰোদাই ছানি দেওলৰ বিৰুদ্ধে দেওবাৰে জাৰি কৰিছে বিশেষ জাননী। জাননীত উল্লেখ থকামতে ৫৬ কোটি ঋণ পৰিশোধ কৰা নাই ছানি দেওলে। আগন্তুক ছেপ্টেম্বৰৰ ভিতৰত এই ঋণ পৰিশোধৰো সময়সীমা বান্ধি দিয়া হৈছে অভিনেতা ছানীক।
এই জাননী লাভ কৰাৰ পাছতেই ভাইৰেল হৈছে আন এক খবৰো। ছানী দেওলে তেওঁৰ জুহুত থকা বাংলোটো নিলামৰ ব্যৱস্থা কৰিছে। ই নিলামৰ ব্যৱস্থা কৰিছে অভিনেতা ছানীয়ে। গান্ধী গ্ৰাম ৰোডত থকা ছানী ভিলা নামৰ বাংলোটো নিলামত দিয়াৰ ব্যৱস্থা কৰিছে অভিনেতা ছানীয়ে। প্ৰায় ৫৫.৯ কোটি টকালৈকে দৰ উঠিছে তেওঁৰ বিশেষ বাংলোটোৰ। সূত্ৰৰ খবৰ অনুসৰি অভিনেতাজনে ঋণদাতাক এই ধনেই পৰিশোধ কৰি ঋণমুক্ত হ’বলৈ চেষ্টা কৰিছে।
জোনাল ষ্ট্ৰেছড এছেট ৰিকভাৰী ব্ৰাঞ্চৰ দ্বাৰা জাৰি কৰা নটিছত উল্লেখ থকামতে, ২৫ ছেপ্টেম্বত এই নিলাম অনুষ্টিত হ’ব। ২২ ছেপ্টেম্বৰপ ভিতৰত বিড জমা দিয়া হ’ব। ছানি দেওলৰ এই বাংলোটো তেওঁ বেংক অৱ বৰোডাক মডগেজ হিচাপে দি থৈছে। ছানীয়ে কেৱল বাংলোটোৱেই বন্ধকত দিছে তেনে নহয়। তেওঁৰ ঘৰৰ সৈতে থকা ৫৯৯.৮৮ বৰ্গমিটাৰ মাটিও বন্ধকত থৈছে।
বিজ্ঞাপনটোত উল্লেখ থকা অনুসৰি এই সম্পত্তিৰ ৰিজাৰ্ভ মূল্য ৫১.৪৩ কোটি টকা। সেই ক্ষেত্ৰত প্ৰাথমিকভাৱে আগধন হিচাপে দিব লাগিব ৫.১৪ কোটি টকা। সম্পত্তিটো ১৪ ছেপ্টেম্বৰত ক্ৰয় কৰিব খোজোতাই চাব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
