অসম লাইভ২৪ঃ তেওঁ নিজে সাধাৰণ স্কুলত পঢ়াশুনা কৰিছিল। এটা অতি সাধাৰণ পৰিয়ালৰ পৰা আৰম্ভ হৈছিল তেওঁৰ যাত্ৰা। পিতৃ আছিল চৰকাৰী আৱাসৰ কৰ্মচাৰী। সাধাৰণ কৰ্মীজনৰ পুত্ৰ মহেন্দ্ৰ সিং ধোনী এতিয়া ভাৰতৰ শীৰ্ষস্থানীয় এজন খেলুৱৈ। ভাৰতীয় ক্ৰিকেট দলৰ অন্যতম অধিনায়ক। ধোনীয়ে সাধাৰণ বিদ্যালয়ত পঢ়াশুনা কৰিলেও তেওঁৰ একমাত্ৰ কন্যা সন্তানটিক ক’ত পঢ়োৱাইছে সেই কথা জানিবলৈ বহুজনেই আগ্ৰহী। সাধাৰণতে ভাৰতীয় তাৰকাসকলৰ সন্তানে বিদেশতেই পঢ়াশুনা কৰে। ধোনীয়ে কিন্তু তেওঁৰ সন্তানক বিদেশলৈ নপঠিয়াই দেশতেই শিক্ষাগ্ৰহণৰ ব্যৱস্থা কৰিছে।
ধোনীৰ কন্যাৰ নাম জিভা সিং ধোনী। বয়স কম হ’লেও জনপ্ৰিয়তাৰ শীৰ্ষতেই জিভা। ইনষ্টাগ্ৰামত এতিয়াই নিজা একাউণ্ট আছে জিভাৰ। তাত তেওঁৰ অনুৰাগীৰ সংখ্যা প্ৰায় ২৩ লাখ। ইনষ্টাগ্ৰামত মাতৃ সাক্ষী ধোনীতকৈয়ো জিভাৰ ফলৱাৰ্ছৰ সংখ্যা বেছি। জিভাৰ জন্ম ২০১৫ চনৰ ৬ ফেব্ৰুৱাৰীত। বয়সৰ জোখাৰে তেওঁ এতিয়া তৃতীয় শ্ৰেণীৰ ছাত্ৰী হ’ব লাগে। ধোনীয়ে তেওঁৰ কন্যাক ৰাচীৰ এখন স্কুলত ভৰ্তী কৰাইছে। Taurian World School in Ranchi নামৰ বিদ্যালয়ত কন্যাৰ নামভৰ্তী কৰাইছে ধোনীয়ে। ধোনীয়ে নিজৰ জন্মস্থানতেই সন্তানক ডাঙৰ কৰিব বিচাৰিছে। ৰাঁচীৰ দাভ জৱাহৰ বিদ্যামন্দিৰত শিক্ষাজীৱন পাৰ কৰিছিল ধোনীয়ে। অৱশ্যে ধোনীয়ে কন্যাক সেইখন স্কুলত দিয়া নাই।
ৰাঁচীৰ এখন আন্তৰ্জাতিক বেচৰকাৰী বৰ্ডিং স্কুলত নামভৰ্তী কৰাইছে জিভাৰ। ৰাঁচীত অৱস্থিত এই স্কুল দেশৰ বৰ্ডিং স্কুলসমূহৰ ভিতৰত অন্যতম এখন স্কুল। ২০০৮ চনত এই স্কুল তৈয়াৰ কৰিছিল অমিত বাজলাই। অমিত লণ্ডন স্কুল অৱ ইকনমিক্সৰ ছাত্ৰ। অমিতে নিৰ্মাণ কৰা এই বিদ্যালয় দেশৰ অন্যান্য বিদ্যালয়সমূহতকৈ পৃথক। পুথিগত পঢ়াশুনাতকৈ হাতেকামে শিক্ষা দিয়াত বিশ্বাসী এই স্কুল। প্ৰেক্টিকেল পঢ়াশুনাৰ ওপৰ্ও ছাত্ৰ-ছাত্ৰীসকলৰ ব্যক্তিত্ব তৈয়াৰ কৰাতো মনোযোগ দিয়ে এই স্কুলৰ শিক্ষকে। এই বিদ্যালয়ক বহুতেই থ্ৰী ইডিয়টছৰ বিদ্যালয়ৰ সৈতে বহুতে তুলনা কৰে। এই স্কুলত ছাত্ৰ ছাত্ৰীসকলক সামগ্ৰিক শিক্ষা দিয়া হয়। কৃষিকামৰ ওপৰিও সাঁতোৰা, ঘোঁৰা চলোৱা, খেলাধুলা সকলোবোৰেই শিকোৱা হয়।
৬৫ একৰৰ বিস্তৃত এলেকাত এই বিদ্যালয় প্ৰতিষ্ঠা কৰা হৈছে। এই স্থানৰ ভিতৰতেই আছে সকলো ব্যৱস্থা। ক্ৰিকেট, ফুটবল, বেডমিণ্টন, টেনিছ আদি সকলো খেলৰ ওপৰিও আছে নাচ, গান, আৰ্ট, বাদ্যযন্ত্ৰ শিকাৰো সুবিধা। দ্বাদশ শ্ৰেণী পৰ্যন্ত এই বিদ্যালয়ত পঢ়িব পাৰে একোজন ছাত্ৰই। ধোনীৰ কন্যাই পঢ়ি থকা এই বিদ্যালয়ৰ মাছুল কিমান? স্কুলখনৰ ৱেবচাইটত উল্লেখ থকা অনুসৰি এই বিদ্যালয়ত অষ্টম শ্ৰেণী পৰ্যন্ত পঢ়িবলৈ অভিভাৱকে ব্যয় কৰিব লাগিব ৪লাখ ৪০হাজাৰ টকা। নৱম শ্ৰেণীৰ পৰা দ্বাদশ শ্ৰেণী পৰ্যন্ত মাছুলৰ পৰিমান ৪লাখ ৮০ হাজাৰ টকা। ধোনীয়ে জাতীয় ক্ৰিকেট দলৰ পৰা অৱসৰ ল’লেও নিয়মিতভাৱে আইপিএল খেলি আছে। বিগত আইপিএলত চেন্নাই ছুপাৰকিংছৰ কেপ্টেইন আছিল তেওঁ। তেওঁৰ নেতৃত্বত আইপিএলৰ ট্ৰফীও জয় কৰিছিল দলটোৱে।
ধোনীৰ কন্যাৰ জিভাক শেষবাৰৰ বাবে দেখা গৈছিল ট্ৰফীৰ সৈতে। সামাজিকমাধ্যমত জিভাৰ সৈতে ধোনীৰ ছবি পোষ্ট কৰা মাত্ৰকেই ভাইৰেলো হৈছিল। ক্ৰিকেটক লৈ সকলোসময়তে ব্যস্ত ধোনীয়ে অলপমান সময় পালেই পৰিয়ালৰ সৈতে ৰাঁচীত সময় কটায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
