অসম লাইভ২৪ঃ মহাভাৰতত দাতা কৰ্ণৰ নাম কম-বেছি বহুতেই শুনিছে। বৰ্তমান সময়ত এনে মানুহ কিন্তু পোৱা খুবেই কঠিন। সম্প্ৰতি কৰ্ণৰ দৰে এগৰাকী ৮৮ বছৰীয়া বৃদ্ধৰ সন্ধান পোৱা গৈছে চীনৰ ছাংহাই প্ৰদেশত। তেওঁ মৃত্যুৰ পাছত এগৰাকী ফল দোকানীক এই সম্পত্তি দান দি গৈছে। এই ঘটনা প্ৰকাশ্যে অহাৰ পাছতেই আৰম্ভ হৈছে চৰ্চা। ফল বিক্ৰেতাক ৮৮ বছৰ বয়সীয়া বৃদ্ধই ফ্লেট দানৰ খবৰ প্ৰকাশ হৈছে চীনৰ এটা সংবাদমাধ্যমে প্ৰকাশ কৰিছে এই তথ্য।
ভাইৰেল খবৰ অনুসৰি দান কৰা ফ্লেটটোৰ দাম প্ৰায় ৩.৮৪ কোটি। বৃদ্ধৰ এই সিদ্ধান্তই আত্মীয়-স্বজনকো হতবাক কৰিছে। দানৰ কাৰণো অন্যতকৈ পৃথক এইগৰাকী বৃদ্ধাৰ। দানৰ আঁৰৰ কাৰণ শুনি এতিয়া বিশ্বজুৰি নেটিজেনে কৰিছে বৃদ্ধাৰেই প্ৰশংসা।
বৃদ্ধাই কিয় দান দিলে কোটিটকীয়া সম্পত্তি?
চীনৰ ছাংহাই প্ৰদেশৰ বাসিন্দা সেই বৃদ্ধাৰ নাম মা। ফল বিক্ৰেতা লিউৰ সৈতে মাৰ কোনো তেজৰ সম্পৰ্ক নাই। বৃদ্ধা মায়ে কোটিটকীয়া ঘৰত অকলেই বাস কৰি আহিছিল। তেওঁক চোৱাচিতা কৰিবলৈকো কাষত কোনো নাই। আলপৈচন ধৰোতা কোনো নথকাৰ বাবে বিভিন্ন সমস্যাৰো সন্মুখীন হৈছিল বৃদ্ধাগৰাকী। বৃদ্ধাৰ শাৰীৰিক অৱস্থাৰ কথা চিন্তা কৰি তিনি বছৰ পূৰ্বে ফল বিক্ৰেতা লিউয়ে তেওঁৰ পত্নীক লৈ বৃদ্ধাৰ ঘৰত থাকি বৃদ্ধাক আলপৈচন ধৰি আহিছিল। বৃদ্ধাৰ সম্পূৰ্ণ দায়িত্বও গ্ৰহণ কৰিছিল লিউ আৰু তেওঁৰ পত্নীয়ে।
লিউৰ এই কাৰ্যত সন্তুষ্ট হৈয়েই ৮৮ বছৰীয়া মায়ে সিদ্ধান্ত লয় যে সেই সম্পত্তি তেওঁ ফল বিক্ৰেতাৰ নামত লিখি দিব। যেনে ভাৱনা, তেনে কাম। তেওঁৰ মৃত্যুৰ পাছতেই ফল বিক্ৰেতা লিউ সম্পত্তিৰ গৰাকী গৈছে। বৃদ্ধাই মৃত্যুৰ পূৰ্বেই তেওঁৰ সকলো সম্পত্তি ওইল কৰি গৈছে।
সম্পত্তি লিখি গ’লেও ফল বিক্ৰেতা লিউক সম্পত্তি দিব বিচৰা নাই এইবাৰ বৃদ্ধাৰ ভনীয়েকে। চীনা সংবাদমাধ্যমে দাবী কৰামতে ২০২১ চনৰ ৩১ ডিচেম্বৰত বৃদ্ধাৰ মৃত্যু হৈছে। সেই সময়ত বৃদ্ধাৰ বেংক একাউণ্টৰ সকলো তথ্য তেঁওৰ ভনীয়েকৰ হাতত আছিল। বৃদ্ধাই উইল কৰাৰ বাবে বেংকৰ তথ্য ভনীয়েকৰ হাতত থাকিলেও সকলো সম্পত্তি লিউৱে লাভ কৰিব লাগে। কিন্তু ভনীয়েকে লিউক সেই সম্পত্তি দিবলৈ অস্বীকাৰ কৰিছে। ভনীয়েকৰ মতে তেজৰ সম্পৰ্ক থকা হেতুকে তেওঁহে এই সম্পত্তিৰ অধিকাৰী। সম্পত্তিৰ ভাগ বটোৱাৰাক লৈ এইবাৰ আদালতৰ দ্বাৰস্থ হৈছে ফল বিক্ৰেতা লিউ।
আদালতত কি কৈছে বৃদ্ধাৰ ৩গৰাকী ভনীয়েকে?
চলিত ডিচেম্বৰ মাহৰ আৰম্ভনিতেই চীনৰ ছাংহাই প্ৰদেশৰ এখন আদালতত জৱাব দিয়াৰ সময়ত চাঞ্চল্যকৰ দাবী কৰিছে বৃদ্ধাৰ ভনীয়েকে। তিনি ভগ্নীৰ দাবী য়ে তেওঁলোকৰ বায়েকৰ সম্পত্তি ফল বিক্ৰেতাই চোৱাচিতা কৰাৰ বিনিময়ত দিব লাগিব বুলি চুক্তি কৰি লৈছিল। যাৰবাবে অনিচ্ছাস্বত্ত্বেও এই সম্পত্তি বৃদ্ধাই ফল বিক্ৰেতাৰ নামত উইল কৰিব লগা হয়। ইফালে বয়সৰ সৈতে মানুহৰ মন-মগজুও কিছু পৰিমানে দুৰ্বল হৈ পৰে। এই দুৰ্বলতাৰেই সুযোগ গ্ৰহণ কৰিছিল লিউয়ে। ৩ ভগ্নীয়ে এই দাবী কৰিলেও আদালতে ভগ্নীৰ দাবী মানি লোৱা নাই। বৃদ্ধা মায়ে উইল কৰি যোৱা হেতুকে এই সম্পত্তি লিউয়েই পাব বুলি ৰায় দিছে ছাংহাইৰ প্ৰদেশৰ বিশেষ আদালতে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
