অসম লাইভ২৪ঃ হিন্দু শাস্ত্ৰত এফালে যেনেকৈ লক্ষ্মীক ধন দেৱী বুলি কোৱা হয়, অন্যহাতে শনিক কোৱা হয় কৰ্মফলদাতা। ব্যক্তিক তেওঁৰ কৰ্ম অনুযায়ী ফল প্ৰদান কৰে শনিয়ে। ভাল কাম কৰিলে ব্যক্তিয়ে শনিৰ প্রভাৱত সুখ-সৌভাগ্য লাভ কৰে। ইফালে লক্ষ্মী সন্তুষ্ট হ’লে লক্ষ্মীৰ কৃপাত ধন-সম্পত্তি লাভ কৰিব পাৰে। হিন্দু শাস্ত্ৰত সকলোৱে শনিক ভয় কৰে। বহুতেই শনিক নিষ্ঠুৰ গ্ৰহ বুলিও কয়। অন্যহাতে লক্ষ্মীৰ লাভৰ প্ৰত্যাশা সকলোৱেই কৰে।
ইয়াতেই বহুতে জানিব বিচাৰে, লক্ষ্মী আৰু শনিৰ মাজত বিষ্ণুৰ সকলোতকৈ প্ৰিয় কোন? এই আলোচনাক লৈয়ে বিষ্ণুক প্ৰশ্ন কৰা হৈছিল, আপোনাৰ প্ৰিয় কোন? লক্ষ্মী আৰু তেওঁৰ মাজত বিষ্ণুৰ আটাইতকৈ পছন্দৰ কোন? এই প্ৰশ্নৰ উত্তৰত বিপাঙত পৰে নাৰায়ণ। দুজনেই তেওঁৰ প্ৰিয়। এজন ভক্ত সূৰ্যৰ পুত্ৰ শনি, আনগৰাকী তেওঁৰ প্ৰিয় লক্ষ্মী। লক্ষ্মীক প্ৰিয় বুলি কৰে শনি ক্ষুদ্ধ হ’ব পাৰে। শনিক প্ৰিয় বুলিলে লক্ষ্মীয়ে খঙতে তেওঁক ত্যাগ কৰিব পাৰে। এই সময়ত শনিক এটা পৰীক্ষা দিলে নাৰায়ণে। শনি আৰু লক্ষ্মীক ক’লে যে, ওচৰতে থকা গছজোপাক স্পৰ্শ কৰি তাৰপৰা এখন পাত লৈ আনা।
নাৰায়ণৰ এই বিচিত্ৰ চৰ্তই লক্ষ্মীকো আচৰিত কৰি তুলিলে। নাৰায়ণৰ আদেশ মানি দুয়োজনেই গছজোপাক স্পৰ্শ কৰি একোখন পাত লৈ আনে। পাত আনিয়েই শনিয়ে উৎসাহী হৈ বিষ্ণুক প্ৰশ্ন কৰে ইয়াৰ অৰ্থ কি? তেতিয়া বিষ্ণুৱে কয়, ‘হে সূৰ্য পুত্ৰ শনি! তুমি যেতিয়া গৈছিলা তোমাৰ যোৱাৰ দৃশ্যটোৱে মোক আকৰ্ষিত কৰিছিল। আনহাতে লক্ষ্মীক অহাৰ সময়ত
দেখি খুবেই ভাল লাগিছিল।’ অৰ্থাৎ শনিৰ দশা যেতিয়া শেষ হয় বা শনিয়ে যেতিয়া ব্যক্তিগৰাকীৰ ৰাশি এৰি অন্য ৰাশিলৈ যায় তেতিয়া ব্যক্তিৰ জীৱনত সুখ-সৌভাগ্য বৃদ্ধি পায়। ব্যক্তিৰ হাতলৈ লক্ষ্মী আহে। অৰ্থাৎ অৰ্থ, সম্পদ, সুখ-সৌভাগ্য লাভ কৰিলে অধিক সুখী হৈ পৰে ব্যক্তিজন।
শনিৰ কাৰণে থকা কষ্ট দূৰ হৈ পৰিয়াললৈ লক্ষ্মীৰ আগমন হয়। লক্ষ্মীক কেনেকৈ আদৰিব লাগে তাৰ উপায়ো শাস্ত্ৰত আছে। ইয়াৰ মাজতেই চাৰিটা উপায় অৱলম্বন কৰিলে সুফল পোৱা যায়।
শনিক সুখী কৰাৰ উপায়
শনিক সুখী কৰাৰ উপায় হৈছে, দৰিদ্ৰ, শ্ৰমিকসকলৰ সহায় কৰক। তেওঁলোকক খাদ্য খোৱাওক।
৭ ধৰণৰ খাদ্য ৮টা শনিবাৰে কাৰোবাক খোৱাওক। ইয়াৰ ফলত ঘৰ-পৰিবাৰ সকলোৰে দুখ কষ্ট দূৰ হ’ব।
শনিবাৰে মদ্যপান, আমিষ খাদ্য ত্যাগ কৰক।
বিবাহিত মহিলা বা কোনো স্ত্ৰীক তেওঁৰ সাজোন-কাচোনৰ সামগ্ৰী অৰ্পণ কৰক। কোনো মন্দিৰত গৈ প্ৰাৰ্থনা কৰক। ইয়াৰ ফলত শনিৰ কৃপা লাভ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
