পুৱাই ৭.৪ প্ৰাৱল্যৰ ভয়ংকৰ ভূমিকম্প, ২৫ বছৰৰ মূৰকত এই ভীষণ ভূইকপ। ভুমিকম্পটোৰ ফলত বিস্তৰ ক্ষতিসধন।
বুধবাৰে পুৱাই টাইৱানত প্ৰচণ্ড জোৰে ভূমিকম্প আহে। ভূমিকম্পবিজ্ঞান কেন্দ্ৰই সদৰি কৰা অনুসৰি এই প্ৰৱল ভূমিকম্পটোৰ প্ৰাৱল্য ৭.৪ ৰিখটাৰ স্কেল। যি ভূমিকম্পৰ ফলত এতিয়া তচনচ হৈ পৰিছে টাইৱান।
কেৱল টাইৱানেই নহয়, ভু-বিজ্ঞান কেন্দ্ৰই জানিবলৈ দিয়া অনুসৰি এতিয়া এই ভূমিকম্পটোৰ ফলত কেৱল টাইৱানেই নহয় জাপানো সংকটত। দুখন চহৰত ছুনামী অহাৰ সংকটে দেখা দিছে , যাৰ বাবে এতিয়া জাপানৰ আকিনাবা চহৰত ইতিমধ্যে এলাৰ্ট জাৰি কৰা হৈছে। আশংকা কৰা অনুসৰি ৩ মিটাৰ পৰ্যন্ত উঠিব পাৰে ছুনামীৰ ঢৌ।
টাইৱানত পুৱাই অহা ভূমিকম্পটোৰ ফলত বহুটো ডাঙৰ ডাঙৰ অট্টালিকা ভাঙি চুৰমাৰ হৈ পৰিছে। পুৱাৰে পৰা বিভিন্ন প্ৰান্তত বিদ্যুতৰ সংযোগো বিচ্ছিন্ন হৈ পৰিছে।
https://x.com/SuppressedNws/status/1775343649175277787?s=20
বৰ্তমানলৈকে কোনো মৃত্যুৰ খবৰ অহা নাই যদিও ভাঙি পৰা অট্টালিকা আদিৰ ধ্বংসস্তুপৰ মাজত বহু লোক আৱদ্ধ হৈ থকাৰ শংকা ব্যক্ত কৰিছে প্ৰদেশ খনৰ প্ৰশাসনৰ ফালৰ পৰা। বৰ্তমানে দেশখনৰ সকলো ৰে’ল ব্যৱস্থা স্থগিত ৰখা হৈছে।
ভূমিকম্পবিজ্ঞান কেন্দ্ৰৰ তথ্য অনুসৰি প্ৰশান্ত মহাসাগৰৰ হুয়ালিয়েন কাউন্টি হলৰ পৰা ২৫.০ কিলোমিটাৰ দক্ষিণ-পূবে ১৫.৫ কিলোমিটাৰ গভীৰতাত ভূমিকম্পৰ কেন্দ্ৰস্থল আছিল।
https://x.com/Huberton/status/1775347467015303614?s=20
টাইৱানৰ প্ৰদেশৰ প্ৰশাসনৰ ফালৰ পৰা সদৰি কৰা অনুসৰি এই ভুমিকম্প বিগত ২৫ বছৰৰ মূৰকত ডাঙৰ । ইয়াৰ পূৰ্বে ১৯৯৯ চনত ৭.৬ ৰিখটাৰ স্কেলৰ ভুমিকম্পই জোকাৰি গৈছিল প্ৰদেশ খন। যি ভুমিকম্পত প্ৰায় ২৪০০ লোকৰ মৃত্যু হৈছিল।
https://x.com/MattWallace888/status/1775334218031075641?s=20
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
