ভাৰতলৈ আহি ৰামঠগন খালে, ৩০০ টকাৰ অলংকাৰ ৬ কোটি দি কিনি নিলে
অতিথি দেৱতা সদৃশ, অতিথিক আপ্যায়ন কৰাৰ সমান পূণ্যৰ কাম এই ধৰাত নাই বুলি কোৱা হয় এইখন ভাৰতত। পাছে এইখন ভাৰততে বহুত বেয়াকৈ ঠগন খালে এগৰাকী আমেৰিকানিবাসী মহিলাই। ৩০০ টকাৰ সামগ্ৰী ক্ৰয় কৰিলে ৬ কোটি টকাৰে।
ভাৰতলৈ ফুৰিবলৈ আহি ভাৰতীয় সংস্কৃতিৰ প্ৰতি আকৃষ্ট হৈ ভাৰতীয় অলংকাৰ ক্ৰয় কৰিছিল। গৌৰৱ ছোনী নামৰ দোকানীয়ে সোণৰ অলংকাৰ বুলি ৩০০ টকীয়া অলংকাৰ ক্ৰয় কৰি নিলে ৬ কোটি টকাৰে। নিজৰ দেশলৈ উভতি গৈ হে জানিব পাৰে নিজৰ লগত হোৱা প্ৰতাৰণাৰ কথা।
ৰাজস্থানৰ এখন দোকানে লজ্জিত কৰিলে সমগ্ৰ ভাৰতবাসীক। আৰক্ষীয়ে জনোৱা মতে, এগৰাকী আমেৰিকান মহিলাক প্ৰতাৰণা কৰি ৰাজস্থানৰ এগৰাকী দোকানৰ মালিকে ৩০০ টকা মূল্যৰ কৃত্ৰিম গহনা বিক্ৰী কৰিছিল ।
মাৰ্কিন নাগৰিক চেৰিছে ৰাজস্থানৰ জয়পুৰৰ জোহৰি বজাৰৰ এখন দোকানৰ পৰা সোণৰ বুলি বহু গহনা ক্ৰয় কৰিছিল। এই ঘটনা চলিত বৰ্ষৰ এপ্ৰিল মাহৰ।
গহণা ক্ৰয় কৰি কিছুদিন ঘুৰি ফুৰি আকৌ উভতি যায় আমেৰিকালৈ। প্ৰায় ৬ কোটি টকাৰে উক্ত আ-অলংকাৰখিনি নিজৰ দেশলৈ কিনি নিছিল মহিলাগৰাকীয়ে। নিজ দেশ পোৱাৰ পাছত সোণৰ আ-অলংকাৰখিনি পৰীক্ষা কৰি দেখে যে সকলোবোৰ নকল সোণ। সকলোখিনি অলংকাৰৰ মূল্য প্ৰায় ৩০০টকাহে হ’ব বুলি মহিলাগৰাকীয়ে এক ভিডিঅ’ প্ৰকাশ কৰিছে।
দোকানৰ মালিকে মহিলাগৰাকীক অভিযোগ খাৰিজ কৰিছে, কিন্তু জয়পুৰত আৰক্ষীৰ এজাহাৰ দাখিল কৰে আমেৰিকান মহিলাগৰাকীয়ে। লগতে আমেৰিকাৰ দূতাবাসৰ পৰাও সহায় বিচাৰে, ইয়াৰ পাছতে জয়পুৰ আৰক্ষীক বিষয়টোৰ তদন্ত কৰিবলৈ আহ্বান জনাইছে।
মহিলাগৰাকীয়ে আৰক্ষীক জনোৱা মতে, ২০২২ চনত ইনষ্টাগ্ৰামৰ জৰিয়তে গৌৰৱ সোণীৰ সংস্পৰ্শলৈ আহিছিল। শেষত যোৱা দুবছৰত কৃত্ৰিম অলংকাৰৰ বাবে ৬ কোটি টকা দিছিল বুলি বিষয়াসকলে জনায়।
আৰক্ষীয়ে জনোৱা মতে, গৌৰৱ আৰু তেওঁৰ পিতৃ ৰাজেন্দ্ৰ ছোনীৰ সন্ধানত অভিযান অব্যাহত, দুয়ো পলাতক অৱস্থাত আছে। এজন বিষয়াই কয় যে লোক দুজনৰ সন্ধান উলিয়াবলৈ বিশেষ দল গঠন কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
