কোন হয়, কি কৰে, বেকগ্ৰাউণ্ড কি সোনাক্ষীৰ দৰাৰ, উপাৰ্জনত আকাশ-পাতাল পাৰ্থক্য দুয়োৰে মাজত
সোনাক্ষী সিনহা আৰু জহীৰ ইকবালৰ বিবাহক লৈ ব্যাপক চৰ্চা। অহা ২৩ জুনত বিয়াৰ কথা দুয়োৰে। অৱশ্যে দুয়োৰে কোনোৱেই এই খবৰ এতিয়ালৈকে নিশ্চিত কৰা নাই, পিতৃ-মাতৃয়েও স্পষ্ট কৰা নাই। কিন্তু, অভিনেত্ৰীগৰাকীয়ে নিজৰ ঘনিষ্ঠসকলক বিয়াৰ বাবে নিমন্ত্ৰণ কৰিবলৈ আৰম্ভ কৰিছে।
বিবাহৰ খবৰৰ মাজতে এতিয়া সোনাক্ষীৰ অনুৰাগীৰ মাজত বহু কৌতুহলৰ সৃষ্টি হৈছে- জহীৰ ইকবালে মুখ্যতঃ কৰে কি, উপাৰ্জন কি, কিমান ধন-সম্পত্তি আছে জহীৰৰ। গুগলতো বহু চৰ্চিত হৈছে এই বিষয়ত প্ৰশ্ন।
পেছাত এগৰাকী অভিনেতা জহীৰ ইকবালৰ প্ৰকৃত নাম জহীৰ ৰত্নসী। অভিনয় জগতত প্ৰৱেশ কৰিবলৈ তেওঁ পিতৃৰ নাম ব্যৱহাৰ কৰিছিল। ২০১৯ চনত বলীউডত অভিষেক ঘটাই প্ৰায় ৫ বছৰ এই উদ্যোগত কটোৱা জহীৰে মাত্ৰ ২ খন ছবিত কাম কৰিছে।
অভিনেতা হোৱাৰ পূৰ্বে জহীৰে পৰ্দাৰ আঁৰতো কাম কৰিছিল। ২০১৪ চনত জহীৰে ছোহেইল খানৰ সৈতে ‘জয় হো’ ছবিত সহকাৰী পৰিচালক হিচাপেও কাম কৰিছিল। নিজৰ কেৰিয়াৰ বুলিবলৈ বৰ এটা ভাল নহয় জহীৰৰ। পিতৃৰ ব্যৱসায়ৰ সৈতে জড়িত জহীৰে ব্যৱসায়ৰ পৰাই কিছু উপাৰ্জন কৰি আছে। জহীৰৰ পিতৃ ইকবাল ৰত্নসী মুম্বাইৰ অন্যতম বিখ্যাত গহনা বিক্ৰেতা আৰু ব্যৱসায়ী।
তাৰ বিপৰীতে ২০১০ চনৰ পৰা বলীউডত কাম কৰি থকা সোনাক্ষীৰ উপাৰ্জন ভাল। বৰ্তমানে সোনাক্ষীৰ নেট ৱৰ্থ ৮০ কোটি টকাৰো অধিক। সোনাক্ষীৰ বিপৰীতে জহীৰৰ উপাৰ্জনত আকাশ পাতাল পাৰ্থক্য।
অৱশ্যে এতিয়ালৈকে সোনাক্ষী আৰু জহীৰৰ বিয়াৰ দিন তথা তাৰিখ ৰাজহুৱা হোৱা নাই। তাৰ মাজতে সামাজিক মাধ্যমত ভাইৰেল হৈ পৰিছে সোনাক্ষীয়ে পৰিয়ালৰ লোকক দিয়া নিমন্ত্ৰণী পত্ৰ। যাৰ জৰিয়তে জানিব পৰা গৈছে অৱশ্যে ইয়াতো কোনো নিশ্চয়তা নাই, তথাপি ২৩ জুন বুলি জানিব পৰা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
