শিৱসাগৰ ৰুদ্ৰসাগৰৰ আঠাই সাগৰ বৰ নামঘৰৰ সমীপত উদ্ধাৰ হোৱা এটি মূৰ্তিক লৈ চাঞ্চল্য।
অচিনাক্ত লোকে এখন চিঠি, চাৰিযোৰ তামুল-পানসহ এৰি থৈ গ’ল ভগৱান কৃষ্ণৰ মূৰ্তি।
গামোচাৰে মেৰিয়াই এৰি থৈ গৈছিল প্ৰায় ৭-৮ ইঞ্চিৰ মূৰ্তিটো।
চিঠিখনত মূৰ্তিটো সোণৰ বুলি দাবী।
মূৰ্তিটো থকা বাবেই অচিনাক্ত ব্যক্তিজনৰ পত্নীৰ চাৰি বছৰত চাৰিটা মৃত সন্তান জন্ম হৈছিল।
মূৰ্তি ঘৰৰ পৰা আঁতৰাই নতুনকৈ স্থাপন কৰিবলগীয়া সত্ৰত চমজাই দিলেই সন্তান বাচি থাকিব বুলি সপোন দেখিছিল ব্যক্তিজনে।
পঞ্চম সন্তানটি জীৱিত অৱস্থাত জন্ম হোৱাত অচিনাক্ত ব্যক্তিজনে এৰি থৈ গ’ল মূৰ্তিটো।
এই কথা উল্লেখ আছে বিশেষ চিঠিখনত ৷
অনাগত দিনত মৃত সন্তানকেইটিৰ সোঁৱৰণত দহ লাখ টকা দি নাম উল্লেখ নকৰাকৈয়ে দি যাব বুলিও উল্লেখ আছে চিঠিখনত।
এই খবৰ লাভ কৰি আৰক্ষীয়ে মূৰ্তিটো আনিব বিচাৰিছিল যদিও ৰাইজে বৰ্তমানলৈকে চমজাই দিয়া নাই আৰক্ষীক।
প্ৰকৃততে মূৰ্তিটো সোণৰ হয় নে নহয় পৰীক্ষা কৰাৰ পিছতে সিদ্ধান্ত ল’ব ৰাইজে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
