ইছৰোয়ে প্ৰথমবাৰৰ বাবে এনে এক পৰীক্ষা কৰিছে যি পূৰ্বে কোনো দেশেই কাহানিও কৰা নাই৷ টুকুৰা টুকুৰাকৈ মহাকাশলৈ পঠিওৱা হ’ব চন্দ্ৰযান-৪৷ চন্দ্ৰতেই সেই বাহন জোৰা দিয়া হ’ব৷ এই কথা ঘোষণা কৰিছে ইছৰো প্ৰধান এছ সোমনাথে৷ তেওঁ কয় যে এই মিছনৰ মাধ্যমেৰে ইছৰোৰ এই যানে চন্দ্ৰৰ পৰা নমুনা সংগ্ৰ কৰি পৃথিৱীলৈ উভতি আহিব৷
ইছৰো প্রধানে কয় চন্দ্ৰযান ৪ এবাৰতেই লঞ্চ কৰা হোৱা নাই৷ চন্দ্ৰযান ৪ৰ অংশ দুবাৰকৈ মহাকাশলৈ পঠিওৱা হ’ব৷ ইয়াৰপাছতেই চন্দ্ৰৰ ফালে আগবঢ়াৰ সময়ত চন্দ্ৰযান ৪ৰ অংশসমূহ মহাকাশত সংযুক্ত কৰা হ’ব৷ এইয়া এক পৰীক্ষাহে৷ এই পৰীক্ষাত সফল হ’লে পাছলৈ এই পদ্ধতিৰ দ্বাৰা ভৱিষ্যতে ইছৰোৰ সংযোগ কৰি মহাকাশ ষ্টেচন তৈয়াৰ কৰিব৷
চন্দ্ৰযান-৪ দুটা ধাপত উৎক্ষেপন কৰা হ’ব৷ এই উৎক্ষেপণত দুটা মিনি ছেটেলাইট মহাকাশত উপস্থিত হ’ব৷ এই দুটা টুকুৰাক ভিন্ন দুটা কক্ষপথত ইনজেষ্ট কৰা হ’ব৷ প্ৰথম ক্ষেত্ৰ কামত লাগিব এল ভি এম-৩ আৰু দ্বিতীয় ক্ষেত্ৰত ব্যৱহাৰ কৰা হ’ব পিএছ এল ভি৷ চন্দ্ৰযান-৪ ত পাঁচটা পৃথক পৃথক মহাকাশযান থাকিব৷ সেই সমূহে চন্দ্ৰত পৃথকে পৃথকে কামত লাগিব৷
চন্দ্ৰযান-৪য়ে নিৰ্দিষ্ট কেইটামান কাম মহাকাশত কৰিব৷ তাৰভিতৰত আছে চন্দ্ৰ মাটিত নিৰাপদে ছফট লেণ্ডিং কৰি চন্দ্ৰৰ মাটিৰ নমুনা সংগ্ৰহ কৰি তাক সংৰক্ষণ কৰি পৃথিৱীলৈ আনিব৷ ইয়াৰপাছতেই এটা মডিউলৰ পৰা অন্য এটা মডিউললৈ চন্দ্ৰৰ মাটিৰ নমুনা পঠিয়াই নমুনা লৈ পৃথিৱীৰ কক্ষপথত প্ৰৱেশ কৰিব৷
বুধবাৰে নতুনদিল্লীত ইণ্ডিয়া স্পেছ কংগ্ৰেছৰ তৰফৰ পৰা ইছৰোৰ চেয়াৰমেন এছ সোমনাথে কয়, ‘আমি চন্দ্ৰযান৪ৰ কনফিগাৰেছন আৰু কেনেকৈ চন্দ্ৰৰ পৰা নমুনা পৃথিৱীলৈ অনা যায় সেই চিন্তা কৰি আছো৷ সকলোবোৰ পৰ্যালোচন কৰি এই মিছনত অনুমোদন জনোৱাৰ বাবে আমি চৰকাৰৰ অনুমতি বিচাৰিছো৷ আমি একাধিক লঞ্চিঙৰ কথা ভাৱিছো আৰু সেই মতেই প্ৰস্তাৱো ৰাখিছো৷ কাৰণ আমাৰ হাতত যি সমূহ ৰকেট আছে, সেই ৰকেটসমূহ এটা মিছনত গৈ আকৌ ওভতি আহিবলৈ সক্ষম নহ’ব৷ সেয়ে আমি স্পেছ ডকিং কৰিব লাগিব৷’
স্পেছ ডকিং কি?
দুটা পৃথক মহাকাশযানৰ এখন যানে আনখন যানক বিচাৰি উলিওৱা আৰু একেই কক্ষপথত ষ্টেচন হোৱাকে কোৱা হয় স্পেছ ডকিং৷ ইছৰোৱে জনাইছিল, ভৱিষ্যতৰ মহাকাশ মিছনৰ বাবে এই স্পেছ ডকিং খুবেই গুৰুত্বপূৰ্ণ৷ অন্তত যিমানদিন ইছৰোই চন্দ্ৰলৈ মহাকাশচাৰী পঠিয়াব সেই দিন পৰ্যন্ত এনেকৈয়ে চন্দ্ৰযান ছিৰিজৰ মিছন চলি থাকিব৷ ভাইৰেল খবৰ অনুসৰি চলিত নৱেম্বৰ-ডিচেম্বৰৰ মাজত স্পেছ ডকিং আৰম্ভ কৰিব ইছৰোৱে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
