আমেৰিকাৰ ৰাষ্ট্ৰপতি ডনাল্ড ট্ৰাম্পক কৰা আক্ৰমণক লৈ চলিছে সৰ্বত্ৰতে চৰ্চা৷ আক্ৰমণৰ ভিডিঅ’ই স্তম্ভিত কৰি তুলিছে বিশ্ববাসীক৷ ট্ৰাম্পৰ কাণেৰে বৈ আহিছে তেজ৷ নিৰাপত্তাৰক্ষীয়ে ঘেৰি ধৰা ট্ৰাম্পৰ ছবি ভাইৰেল হৈ পৰিছে সামাজিকমাধ্যমত৷ সামাজিকমাধ্যমত আমেৰিকাৰ প্ৰাক্তন ৰাষ্ট্ৰপতি ডনাল্ড ট্ৰাম্পৰ আশু আৰোগ্য কামনা কৰি পোষ্ট শ্বেয়াৰ কৰিছে প্ৰধানমন্ত্ৰী নৰেন্দ্ৰ মোদীয়েও৷ ঘটনাক লৈ ৰাষ্ট্ৰপতি জ’ বাইডেন, উপ ৰাষ্ট্ৰপতি কমলা হেৰিছ, প্ৰাক্তন ৰাষ্ট্ৰপতি বৰাক ওবামাকে ধৰি বিশ্বৰ সকলো ৰাজনৈতিক নেতাই শোক প্ৰকাশ কৰিছে৷
আক্ৰমণৰ বলি হোৱা ডনাল্ড ট্ৰাম্পেই প্ৰথম ৰাষ্ট্ৰপতি নহয়৷ আমেৰিকাৰ বহু ৰাজনৈতিক নেতাক আক্ৰমণ কৰিছে দুৰ্বৃত্তই৷ এই আক্ৰমণত চাৰিজন ৰাষ্ট্ৰপতিয়ে প্ৰাণো হেৰুৱাইছে৷ আমেৰিকাৰ কোনো কোন ৰাষ্ট্ৰপতিয়ে দুৰ্বৃত্তৰ আক্ৰমণত প্ৰাণ হেৰুৱাইছে জানি থওক সবিশেষ৷
ৰাষ্ট্ৰপতি আব্ৰাহাম লিংকন প্ৰথম ভুক্তভোগী
আমেৰিকাৰ ৰাষ্ট্ৰপতি হত্যাৰ প্ৰথমটো কলা দাগ লাগিছিল ১৮৬৫ চনৰ এপ্ৰিল মাহত৷ আমেৰিকাৰ ১৬ সংখ্যক ৰাষ্ট্ৰপতি আব্ৰাহাম লিংকনক গুলীয়াই হত্যা কৰা হৈছিল৷ গৃহযুদ্ধৰ শেষত ৱাছিংটনৰ ডিচি ফৰ্ডৰ থিয়েটাৰত অভিনয়ৰ সময়ত মঞ্চ অভিনেতা উইকলকেছ বুথে আব্ৰাহাম লিংকনৰ মূৰত গুলীচালনা কৰে৷ গুলীবিদ্ধ হোৱাৰ ১২ ঘণ্টাৰ ভিতৰতেই লিংকনৰ মৃত্যু হয়৷ সেই সময়ত হত্যাকাৰীয়ে পলায়ন কৰিবলৈ সক্ষম হয় দিও ভাৰ্জিনিয়াত বন্দি হয় হত্যাকাৰীজন৷
জেমছ গাৰ্ফিল্ডে
আমেৰিকাৰ ২০ সংখ্যক ৰাষ্ট্ৰপতি জেমছ গাৰ্ফিল্ডৰ জন্ম হৈছিল ১৮৮১ চনত ৱাশ্বিংটন ডিচিত৷ ৰে’ল ষ্টেচনত গুলীবিদ্ধ হৈছিল এইগৰাকী ৰাষ্ট্ৰপতি৷ কেইবাটাও গুলীয়ে ভেদি গৈছিল তেওঁৰ শৰীৰ৷ কেইমানমানৰ পাছতেই নিউ জাৰ্চিত তেওঁৰ মৃত্যু হয়৷ খবৰ অনুসৰি জেমছ গাৰ্ফিল্ডক তেওঁৰ এজন প্ৰাক্তন সমৰ্থক চাৰ্লছ গুইটৱে গুলীয়াই হত্যা কৰে৷ খবৰ অনুসৰি চাৰ্লছ গুইট মানসিক ৰোগত আক্ৰান্ত হৈ পৰে৷ গুইটৰ অসন্তুষ্টিৰ কাৰণ হৈছিল তেওঁ গাৰ্ফিল্ডৰ প্ৰশাসনৰ অধীনত চাকৰিৰ পৰা বঞ্চিত হৈছিল৷ পাছলৈ গুইটক ফাঁচী দিয়া হয়৷
উইলিয়াম মেককিনলি
আমেৰিকাৰ ২৫ সংখ্যক ৰাষ্ট্ৰপতি উইলিয়াম মেককিনলিক লক্ষ্য কৰি গুলীচলনা কৰা হৈছিল ১৯০১ চনৰ ছেপ্টেম্বৰ মাহত৷ তেওৰ দ্বিতীয় কাৰ্যকালৰ ছমাহৰ ভিতৰতেই এই ঘটনা৷ ৰাজহুৱা সভাত উইলিয়াম মেককিনলিক গুলীয়াই দুৰ্বৃত্তই৷ দুৰ্বৃত্তৰ গুলীয়ে থকা সৰকা কৰা উইলিয়াম মেককিনলিয়ে ঘটনাৰ এসপ্তাহৰ পাছত মৃত্যুক সাবটে৷
জন এফ. কেনেডিৰ হত্যাকাণ্ড
আমেৰিকাৰ ৩৫ সংখ্যক ৰাষ্ট্ৰপতি জন এফ কেনেডি৷ ১৯৬৩ চনত কেনেডীক গুলীয়াই হত্যা কৰিছিল মেৰিন লি হাৰ্ভি অছৱাল্ডে। ১৯৬৩ চনৰ নৱেম্বৰ মাহত ডালাছত এক সমাৱেশৰ সময়ত অছৱাল্ডে ষষ্ঠ মহলাৰ পৰা কেনেডীক লক্ষ্য কৰি গুলীয়াই৷ সেই গুলীচালনাৰ ঘটনাতেই মৃত্যু হৈছিল কেনেডিৰ৷ কেনেডিক আক্ৰমণ কৰাৰ কেইদিনমান পিছতে ছোভিয়েট সমৰ্থক অছৱাল্ডক গ্ৰেপ্তাৰ কৰে আমেৰিকাৰ সেনাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
