বাহনত দুইধৰণৰ ছেফটিয়ে আপোনাক অক্ষত ৰাখিব পাৰে৷ প্ৰথমে এক্টিভ ছেফটি৷ দ্বিতীয় হৈছে পেছিভ ছেফটি৷ এক্টিভ ছেফটিৰ মাজত আছে এণ্টি লক ব্ৰেকিং, ইলেক্ট্ৰিক ব্ৰেক ডিষ্ট্ৰিবিউছন, ট্ৰেকশ্বন কন্ট্ৰল, টায়াৰ প্ৰেছাৰ মনিটৰিং চিষ্টেম আদি চেঞ্চৰ৷ সেইসমূহে বাহনৰ গতি বিধি নিয়ন্ত্ৰণত সহায় কৰে৷ লং টুৰত যোৱাৰ পূৰ্বে এই ফিচাৰ্ছসমূহ নিশ্চিত কৰাটো খুবেই জৰুৰী৷
পেছিভ ছেফটিৰ ভিতৰত পৰে যাত্ৰীৰ সচেতনতা৷ যেনেকৈ যাত্ৰী আৰু চলকে ঠিকধৰণে ছিট বেল্ট লগাইছেনে নাই৷ ইয়াৰোপৰি গাড়ীৰ বিল্ড কোৱালিটিও পেছিভ ছেফটিৰ ভিতৰত পৰে৷ সেয়ে নতুন বাহন ক্ৰয় কৰাৰ পূৰ্বে অৱশ্যেই এই বিষয়টোক মূৰত ৰখা উচিত৷ কেৱল মাইলেজেই নহয়, যাত্ৰী নিৰাপত্তাক সকলোতকৈ বেছি অগ্ৰাধিকাৰ দিয়া উচিত৷ কাৰণ টকাতকৈ প্ৰাণ সদায়ে আগত৷ বিল্ড কোৱালিটিৰ দিশৰ পৰা এইকেইখন গাড়ী সবাতোকৈ ওপৰত বুলি বিশেষজ্ঞই দাবী কৰে৷
মজবুত হেচবেক
প্ৰথম বাহন হৈছে টাটা এলট্ৰজ৷ যি ৫ষ্টাৰ ছেফটি ৰেটিং যুক্ত৷ ইয়াত আল্ট্ৰা হাই ইনটেনছিটি ষ্টিল ব্যৱহাৰ কৰা হৈছে৷ দ্বিতীয় বাহন হৈছে টাটা পাঞ্চ৷ এই বাহনৰো ছেফটি ৰেটিং ৫ষ্টাৰ৷ তৃতীয় বাহন হৈছে নতুন হোণ্ডা চিটি ফিফট জেনাৰেছন৷ আৰু দুটি বাহনৰ ভিতৰত আছে স্কোডা শ্লাভিয়া আৰু ফোক্সৱাগেন ভাৰ্টাছ৷
মজবুত কম্পেক্ট SUV
আজিকালি কম্পেক্ট SUV সকলোতকৈ বেছি বিক্ৰি হয়৷ ইয়াৰ মাজত যিসমূহ বাহনৰ ওপৰত আমি ভৰসা কৰিব পাৰো সেইসমূহ হৈছে মাহিন্দ্ৰা XUV 300, টাটা নেক্সন, মাৰুতি ছুজুকি ব্ৰেজ্জা, আৰু মাহিন্দ্ৰা থাৰ৷ প্ৰত্যেকখন বাহনতেই আছে মজবুত বিল্ড কোৱালিটি আৰু পৰ্যাপ্ত ছেফটি ফিচাৰ্ছ৷
মিড SUV আৰু MPV
মিড ছাইজ SUV আৰু মাল্টি পাৰপোজ ভেহিকেল MPV বাহনৰ ভিতৰত একাধিক বিকল্প আছে৷ মিড SUVৰ মাজত আপুনি বাচি ল’ব পাৰে টাটা হেৰিয়াৰ, টাটা ছাফাৰি, জিপ কেম্পাছ, জিপ মেৰিডিয়ান, মাহিন্দ্ৰা স্কৰপিঅ এন, স্কোডা কুছাক, ফোক্সৱাগেন টাইগুন আৰু এম জি হেক্টৰ৷
অন্যহাতে MPVৰ ক্ষেত্ৰত মাহিন্দ্ৰা মাৰাজ্জ বা টয়োটা ইনোভা হাইক্ৰছ বাহন ল’ব পাৰে৷ উল্লেখিত সমস্ত বাহনত মজবুত ষ্টিল আৰু চেছিছ৷ কেৱল বিল্ড কোৱালিটি নহয়, দুৰ্ঘটনা এৰাবলৈ অভাৰস্পিডিং নকৰাটোৱেই ভাল৷ ইয়াৰোপৰি যিসমূহ ছেফটি ফিচাৰ্ছ মানিবলৈ কোৱা হয় সেইসমূহ মানি চলা উচিত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
