ভালপোৱা পোৱা যেনেকৈ সহজ নহয় তেনেকৈ ভালপোৱাৰ সম্পৰ্ক ধৰি ৰখাটোও খুবেই কঠিন৷ পাৰিবাৰিক অশান্তি, কৰ্মক্ষেত্ৰৰ অশান্তি সকলোবোৰ মিলি মানসিকভাৱে মাৰাত্মক চাপ বাঢ়িব ধৰিছে বহুজনৰ৷ এই মানসিক চাপে প্ৰভাৱ পেলাইছে দাম্পত্য জীৱনত৷ এই সকলোবোৰৰ মাজত কেনেকৈ বজায় ৰাখিব ব্যক্তিগত সম্পৰ্কৰ উষ্ণতা?
সম্পৰ্কৰ উষ্ণতা উভতাই নানিলে এটা সম্পৰ্ক ধৰি ৰখা খুবেই কঠিন৷ সপ্তাহত প্ৰিয়জনৰ সৈতে অলপমান সময় উলিয়াই বাহিৰত নহ’লেও ঘৰতেই ডেটৰ পৰিকল্পনা কৰিব পাৰে৷ কিন্তু ঘৰত ডেটৰ আমেজ পোৱা যায়নে? সংগীৰ সৈতে সুন্দৰ কিছু মুহূৰ্ত কটাবলৈ ঘৰৰ পৰিবেশ কেনেকৈ গঢ়ি তুলিব? জানি থওক কেইটামান টিপছ৷
১) মায়াবী পৰিবেশ তৈয়াৰ কৰিবলৈ ঘৰৰ অত্যাধিক পোহৰৰ লাইটসমূহ নুমুৱাই ৰাখক৷ সুগন্ধি মমবাতিৰ সুগন্ধ আৰু টুনি বাল্বৰ পোহৰেৰে আপোনাৰ নিজা ৰুমটো উজ্বলাই তোলক৷ অৰ্কিড বা গোলাপ দি টেবুল এখন সজাব পাৰে৷ ছোফা বা কুছনৰ কভাৰ ৰঙা লগাব পাৰে৷ পৰ্দাতো পৰিবৰ্তন আনিব পাৰে৷ ৰঙা, গোলপীয়া বা বগা ৰঙৰ পৰ্দা লগাব পাৰে৷ পাতল ফ্লোৰেল প্ৰিণ্টৰ পৰ্দা ব্যৱহাৰ কৰিব পাৰে৷
২) আপোনাৰ প্ৰিয় মানুহজন যদি ফুডি হয় তেন্তে সেই ধৰণে ঘৰত খাদ্য প্ৰস্তুত কৰাওক৷ পত্নীয়েই স্বামীৰ বাবে কৰিব তেনে নহয়, স্বামীয়েও পত্নীৰ বাবে তেনে ডেটৰ আয়োজন কৰিব পাৰে৷ কেৱল খাদ্য বনাব তেনে নহয়, সুন্দৰভাৱে পৰিবেশন কৰাটোও জৰুৰী৷ খাদ্যৰ টেবুল ধুনীয়াকৈ সজাই লওক৷ টেবুলৰ ঢাকনিৰ ৰং ৰঙা ৰাখিব পাৰে৷ ওপৰত এটা মমদানি ৰাখিব পাৰে৷ আৰু ফুলদানিতো কেইপাহমান গোলাপ ৰাখিব পাৰে৷ খাদ্য পৰিবেশনৰ বাবে চিনামাটিৰ বাচন ব্যৱহাৰ কৰিব পাৰে৷
৩) ডেটিঙৰ আমেজ আৰু ভাল কৰি তুলিবলৈ ৰোমাণ্টিক গীতৰ ব্যৱস্থা কৰিব পাৰে৷ যদি দুয়ো নৃত্যপ্ৰেমী হয় তেন্তে ঘৰতে নৃত্যও কৰিব পাৰে৷ মন মেজাজ ভাল কৰিবলৈ সংগীতৰ লগতে নৃত্যও একপ্ৰকাৰৰ থেৰাপী৷
৪) ডেটৰ দিনা এখন ভাল ছবি কিংবা ৱেব ছিৰিজ চাই এজনে আনজনৰ সৈতে একান্ত সময় কটাব পাৰে৷ ছবি বাচনিৰ ক্ষেত্ৰত সতৰ্ক হওক৷ দুজনৰ পছন্দৰ এটা বিষয় বাচি তেনে ছবি চাওক৷ ঘৰত পছন্দৰ কোনো চিনেমা কিংবা ৱেবচিৰিজ চাব পাৰে৷ সম্পৰ্কৰ উষ্ণতা টিকাই ৰখাত এইসমূহো জৰুৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
