ভাৰতত ক্ৰিকেট কেৱল এক খেলেই নহয়, এক আৱেগো৷ ক্ৰিকেটাৰসকলৰ পৃথক এক সন্মান আছে ভাৰতত৷ বলীউডৰ তাৰকাৰ পাছতেই ক্ৰিকেটাৰক লৈ আছে বিশেষ উন্মাদনা৷ তেওঁলোকো একো একোজন চেলিব্ৰিটিয়েই৷ এইসকলৰ উপাৰ্জনো আপুনি মই হিচাপ কৰি শেষ কৰিব নোৱাৰা অংকত৷ সংক্ষিপ্ত কেৰিয়াৰত ক্ৰিকেটাৰসকলে কোটি কোটি ধন উপাৰ্জন কৰে৷ আনকি এজন ক্ৰিকেটাৰে কেৱল ঘৰুৱা আই পিএলতেই কোটি কোটি ধন উপাৰ্জন কৰে৷ বিৰাট কোহলী, ৰোহিত শৰ্মাৰ দৰে চেলিব্ৰিটি ক্ৰিকেটাৰৰ ধনৰ হিচাপ বহু বেছি৷ তেওঁলোকে বৰ্তমান আন্তৰ্জাতিক ক্ৰিকেটৰ পৰা অৱসৰ লৈছে৷ আন্তৰ্জাতিক ক্ৰিকেটৰ পৰা বিদায় ল’লেও তেওঁলোকে কিন্তু ঘৰুৱা খেলৰ পৰা বিদায় লোৱা নাই৷ আন্তৰ্জাতিক ক্ৰিকেটত নাথাকিলেও উপাৰ্জন কিন্তু শেষ হোৱা নাই৷
কিন্তু এইখিনিতেই প্ৰশ্ন হয়, ক্ৰিকেটাৰসকলৰ ভিতৰত আটাইতকৈ বেছি টেক্স কোনে দিয়ে? আৰ্থিক বৰ্ষৰ হিচাপ অনুসৰি ক্ৰিকেটাৰসকলৰ ভিতৰত আটাইতকৈ বেছি টেক্স দিয়া ক্ৰিকেটাৰ হৈছে বিৰাট কোহলি৷ তথ্য অনুসৰি এই আৰ্থিক বৰ্ষত কমেও ৬৬ কোটি টেক্স দিছে বিৰাট কোহলীয়ে৷ তাৰপাছতেই আছে প্ৰাক্তন ক্ৰিকেটাৰ মহেন্দ্ৰ সিং ধোনী৷ মহেন্দ্ৰ সিং ধোনীয়ে এই অৰ্থবৰ্ষত টেক্স দিছে ৩৮ কোটি টকা৷ তিনি নম্বৰ টেক্স দিয়া ক্ৰিকেটাৰ হৈছে শচীন তেণ্ডুলকাৰ৷ প্ৰাক্তন ক্ৰিকেটাৰ শচীন তেণ্ডুলকাৰে বাৰ্ষিক ২৮ কোটি টেক্স দিয়ে৷ শচীনৰ সৈতে তেওঁৰ অপেনাৰ সংগীও আছে তালিকাত৷ প্ৰাক্তন ক্ৰিকেটাৰ সৌৰভ গাংগুলীয়েও বাৰ্ষিক ২৩ কোটি টকা টেক্স দিছে৷ তালিকাত পঞ্চম স্থানত আছে হাৰ্দিক পাণ্ডিয়া৷ তেওঁ এই অৰ্থবৰ্ষত টেক্স দিছে ১৩ কোটি টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
